Ձեր վստահելի աղբյուրը

Վաշինգտոնն առաջարկում է Անկարային քուրդ զինյալներին դուրս բերել Սիրիայի հյուսիսից 30 կիլոմետր հեռավորության վրա՝ առանց Թուրքիայի զինված ուժերի ցամաքային գործողության անհրաժեշտության: «ՌԻԱ նովոստի»-ն հայտնել է, որ այդ մասին գրել է  Hürriyet թերթի սյունակագիր Աբդուլքադիր Սելվին, որը մոտ է կառավարական շրջանակներին։

Նոյեմբերի 20-ին Թուրքիան օդային գործողություն է իրականացրել Սիրիայի հյուսիսում արգելված Քրդստանի աշխատավորական կուսակցության (PKK) թևի դեմ: Հաղորդվել է, որ հարվածներ են հասցվել Քոբանի քաղաքին, ինչպես նաև Իրաքի հյուսիսին: Թուրքիայի նախագահ Թայիփ Էրդողանը գործողությունն անվանել է հաջողված և չի բացառել, որ դրան կհաջորդի ցամաքային գործողություն։

«Իմանալով նախագահ Էրդողանի վճռականության մասին՝ ամերիկացիները միջոցներ ձեռնարկեցին առանց վիրահատության լուծելու այս հարցը: ԱՄՆ շտաբի պետ Մարկ Միլլին բանակցություններ է վարել Գլխավոր շտաբի պետ Յաշար Գյուլերի հետ: Ազգային պաշտպանության նախարար Հուլուսի Աքարն ընդունել է Անկարայում ԱՄՆ դեսպանին՝ Ֆլեյքին: Ի՞նչ են նշանակում այս հանդիպումները այն ժամանակ, երբ ցամաքային գործողությունն անխուսափելի է։ Այս բանակցությունները բնական են, որովհետև Քոբանիում կան նաև ամերիկացի զինվորներ։ Տարածաշրջանը գտնվում է ԱՄՆ վերահսկողության տակ։ Ամերիկացիներն առաջարկում են քուրդ զինյալներին հետ քաշել 30 կիլոմետր հեռավորություն՝ առանց Թուրքիայի կողմից ցամաքային գործողության անհրաժեշտության»,-գրում է հոդվածագիրը։

Սելվին նաև ուշադրություն է հրավիրել Թուրքիայի և Ռուսաստանի պաշտպանության նախարարների բանակցությունների վրա։