Ձեր վստահելի աղբյուրը

«Խաղաղության պայմանագրի վերաբերյալ ես ներքին համոզվածություն ունեմ, որ Նիկոլ Փաշինյանն ասել է՝ Արցախը հանձնենք, ու հանգիստ թողեք իշխեմ Հայաստանում, իմ բռնապետական համակարգով հավերժ իշխեմ»,- ««Խաղաղության» համաձայնագիր․ սահմանադրականության հարցն ու միջազգային իրավաքաղաքական հետևանքները» խորագրով համաժողովին ասաց իրավապաշտպան Ավետիք Իշխանյանը։

Նրա խոսքով, Փաշինյանը  խաղաղության պայմանագիր ասելով սրան է ձգտում և այժմ անակնկալի է եկել, որ հակառակորդն ավելին է ուզում։

«Նա հիմա ցայտնոտի մեջ է», - ասաց Ա. Իշխանյանը։

Նա ցավով արձանագրեց, որ երկու տարուց ավելի է այս դավադիր իշխանությանը հանդուրժում են։

«Մենք չկարողացանք ստեղծել դիմադրության շարժում, և այժմ մենք արհամարհված ենք ոչ միայն պարտության պատճառով, ավելին, որ պարտության պատասխանատու իշխանությունը մինչև հիմա պետության ղեկին է։ Այսպիսի վիճակում մենք ապագա չունենք  եթե օր առաջ, ժամ առաջ չենք համախմբելու և գահընկեց անելու այս ապիկար, դավադիր իշխանությանը»,- ասաց իրավապաշտպանը։