Վալոդիկը, Գուգուշիկը կդնի մանդատը, կվերցնի Նազիկը, Թութուշիկը՝ մեծ առումով նահատակվող ընդդիմության օրակարգում ոչինչ չի փոխվի. Զոհրաբյան
«Պատկերացնո՞ւմ եք՝ Սերժի ժամանակ նման բան լիներ՝ սորոսական ողջ լափակույտն այս երեխայի նկարով, մայկաները դոշերին կպցրած, պառկել էին պոլերին, ԵՄ և բոլոր դեսպանատներն ուղղակիորեն նոտա էին արդեն հղել»,-մամուլի ասուլիսում անդրադառնալով Վանաձորում հիվանդ անչափահասին և նրա հորը՝ պարեկների կողմից ծեծի ենթարկվելու դեպքին՝ ասաց ԱԺ նախկին պատգամավոր Նաիրա Զոհրաբյանը:
Նա հայտարարեց, որ, որպես «Անվտանգություն և ժողովրդավարություն» ՀԿ նախագահ, դեպքի բոլոր նյութերն ուղարկել է միջազգային իրավապաշպան կազմակերպություններին և սպասելու է արձագանքներին:
«Երևի հոլիվուդյան մարտաֆիլմերում ենք տեսել նման բան: Պատկերացնո՞ւմ եք, թե ընդդիմադիր պատգամավոր Նիկոլն ոնց էր ճանկռել ԱԺ ամբիոնը և իրավացիորեն աղմուկ բարձրացրել: Բա, այ սորոսական վիժավծքնե՛ր, տարբեր դեսպանատներից հայրենիք ծախելու համար լափ ստացողնե՛ր, ինչո՞ւ եք լռում, անչափահաս երեխային բռնության են ենթարկել ընդամենը նրա համար, որ այդտեղով պետք է անցներ Նիկոլը:
Ինձ զարմացնում է քաղաքական ուժերի անկապ ինֆանտիլությունը, որ ինչ-որ անկապ, չաշխատող և հասարակության պորտալարի հետ կապ չունեցող օրակարգեր են վերցրել: Պետք է վերցնել Վանաձորի դեպքը, որը պետք է լինի երկրի բարոյականության, արդարության բարձրացման կոնչնակը:
Օմբուդսմե՛ն, ո՞ւր եք, ընտանիքը դաժանաբար ծեծել են, աստմա ունեցող, մի քանի անգամ մահվան ճիրաններից հետ բերված երեխային խոշտանգել են, հետո էլ վիժցվածքների մի խումբ գնացել է տուն ու աշխատավայր ու այնտեղ է սամասուդ արել»,-ասաց Զոհրաբյանը:
Բանախոսը տարակուսեց, որ գործող իշխանությունները հայտարարում էին, թե բարելավում են պարեկային համակագը և այսուհետ քաղաքացու հետ «Դուք»-ով են խոսելու:
«Նախկին «հանցավոր» ժամանակի պարեկն այսպիսի բան աներ, երկու ժամ հետո ԵԽ-ն Ստարսբուրգում կհրավիրեր արտահերթ նիստ, Մոնիթորինգի հանձնաժողովն այս հարցը կդարձներ թիվ մեկ քննարկման առարկա, մեզ բոլորիս կհավաքեին, կտանեին Ստրասբուգ և 3 րոպեն մեկ պարբերականությամբ կթքեին հայկական պատվիրակության երեսին՝ որպես մինիմում, կամ կդնեին Հայաստանի պատվիրակության լիազորությունների դադարեցման հարցը, իսկ ՀՀ-ի հարցով համազեկուցողները երեք ժամ անց հայտարարություն կանեին դեպքի առնչությամբ: Երեկ գրել եմ ձեզ, ինչո՞ւ չեք արձագանքում:
Որովհետը Նիկոլի ջեբի շնե՞րն են հաշվեհարդար տեսել, որովհետև Նիկոլը դեռ ձեզ պե՞տք է տարածաշրջանի քարտեզը թուրք-ադրբեջանական ճաշակով գծագրելու համար: Է՞ս է ձեր ժողովրդավարությունը, իրական մարդու իրավունքները: Ձեր մարդու իրավունքները կախված են քաղաքական շահերից, իսկ ձեր քաղաքական շահերը կախված են թուրք-ադրբեջանական նավթի թմրասեղից, սա եք դուք»,-եվրոպական իրավապաշտպան կառույցներին դիմեց ԱԺ նախկին պատգամավորը:
Անցնելով ներքաղաքական գործընթացին՝ Նաիրա Զոհրաբյանը հայտարարեց, որ այսօր Հայաստանում չկա քաղաքական ընդդիմություն, այլ կան քաղաքական դիակներ:
Նա գնահատեց նաև «Հայաստան» դաշինքի անդամ «Վրածնվող Հայաստան» կուսակցության պատգամավորների մանդատները վայր դնելու մասին լուրերին՝ ասելով որ «Հայաստան» դաշինքն արհեստականորեն ստեղծված դաշինք էր, որի միակ քաղաքական ուժը ՀՅԴ-ն է, որն իր Հայ Դատի կառույցներով մեծ աշխատանք է տանում աշխարհում:
«Դաշինքում՝ արհեստական սիմբիոզում, տարբեր պլյաժների տոմսեր ծախողների միավորումում չէր կարող լինել կենսունակություն, չէր կարող ունենալ միասնական օրակարգ, այնտեղ քաղաքական միավորը եղել է միայն ՀՅԴ-ն: Հիմա Ստամբուլցյան Հեղինեն կդնի մանդատը, Վահե Հակոբյանը կդնի, Վալոդիկը կդնի, Գուգուշիկը կդնի, կվեցնի Նազիկը, Թութուշիկը, մեծ առումով այլևս այս նահատակված ընդդիմության օրակարգում ոչինչ չի փոխվում»,-հատնեց Նաիրա Զոհրաբյանը և որպես լուծում առաջարկեց ընդդիմության դաշտի վերապրոֆիլացումը և նոր քաղաքական օրակարգի առաջ քաշումը:
Լրահոս
Տեսանյութեր
Ինչո՞ւ հանկարծ ՀՀ իշխանությունները որոշեցին խլել արցախցիների կենսաթոշակային խնայողությունները
