Ձեր վստահելի աղբյուրը

«Հրապարակ» թերթը գրում է.

«Նոյեմբերի 23-ին Արցախի կառավարության 9 նախարար ազատվեց պաշտոնից, ապա նրանցից չորսը ԺՊ նշանակվեցին։ Սակայն դեռ ոչ մի նշանակում կառավարության կազմում չի արվել՝ նախարարական աթոռները շարունակում են թափուր մնալ։ Անգամ Արցախի քաղաքական շրջանակներում թեկնածուների մասին ինֆորմացիա չունեն։ Այդ հարցերը քննարկվում են Արայիկ Հարությունյան-Ռուբեն Վարդանյան ֆորմատում։ Ա

մենամեծ ինտրիգն Արցախի արտգործնախարարի պաշտոնի համար է․ նախ՝ լուր տարածվեց, որ Վարդան Օսկանյանին են առաջարկել, ապա՝ Արա Այվազյանին, հետո Արցախի նախագահականից պարզաբանեցին մեր թերթին, թե, «անկախ նշված անձանց հանդեպ ունեցած հարգանքից», Արցախի նախագահը դեռևս ոչ մեկին առաջարկ չի արել։

Անցած օրերին արտգործնախարարի ևս մեկ հավակնորդի անուն ավելացավ ցանկում՝ Արցախի նախագահի խորհրդական, նախկին արտգործնախարար Մասիս Մայիլյանը, ով օրերս Հայաստանում ՌԴ դեսպանի հետ լուսանկար էր հրապարակել՝ ցույց տալով, որ իր՝ սորոսական շրջանակներին հարելու լուրերը չափազանցված են, ինքը ռուսական իսթեբլիշմենտի հետ խնդիրներ չունի, և առաջվա արգելքներն իր հանդեպ չեն գործում։

Հիշեցնենք, որ Մայիլյանի մուտքը Ռուսաստան ևս ժամանակին արգելված էր։ Տեղեկություններ կան նաև, որ պետնախարարի խորհրդական, «Կապավոր» ընկերության սեփականատեր Արման Հակոբջանյանը փորձում է առողջապահության նախարարի պաշտոնում հարազատ քրոջը՝ Լիլիթ Հակոբջանյանին առաջարկել, ով 2020-ից նախագահի՝ առողջապահության գծով խորհրդականն է և «ԼիլՄեդ» բժշկական կենտրոնի ղեկավարը»։

Մանրամասները թերթի այսօրվա համարում