Ձեր վստահելի աղբյուրը

Մինչև տարեվերջ հնարավոր է Փաշինյան-Ալիև կամ Միրզոյան-Բայրամով հանդիպում։ Լրագրողների հետ հանդիպմանն ասաց ԱԺ Արտաքին հարաբերությունների մշտական հանձնաժողովի նախագահ Էդուարդ Աղաջանյանը։

«Ինչ վերաբերում է  երկրների ղեկավարերի կամ արտաքին գործերի նախարարների մակարդակով հնարավոր հանդիպմանը մինչև տարեվերջ, այո, չի կարելի բացառել»,-  նշեց նա։

Աղաջանյանը նաև հայտնեց, որ հայկական կողմը ստացել է Ադրբեջանի առաջարկները, որոնք, ըստ էության, արձագանքն են հայկական կողմի առաջարկների։

«Այսինքն, կարելի է ասել, երրորդ փուլն է քննարկվում այդ փաստաթղթի կամ առաջարկների։ Կարծում եմ՝ «փաստաթուղթ» սխալ է անվանել։ Քանի որ սրանք, բնականաբար, հրապարակման ոչ ենթակա մանրամասներ են և քննարկումներ են, ես չեմ կարող բարձրաձայնել դրանք, բայց, այո, ճիշտ է, հայկական կողմը  ստացել է Ադրբեջանից պատասխան առաջարկներ»,-ասաց նա։