Ձեր վստահելի աղբյուրը

«Yöneylem» հետազոտական կենտրոնը հերթական սոցհարցման արդյունքներն է հրապարակել։ Ermenihaber-ի փոխանցմամբ՝ այն իրականացվել է սույն տարվա նոյեմբերի 23-ից 27-ը։ Հարցմանը մասնակցել է 2400 քաղաքացի 27 նահանգներից։ Մասնակիցները պատասխանել են «Եթե այս շաբաթ ընտրություններ լինեն, ո՞ր կուսակցությանը ձայն կտաք» հարցին։ Արդյունքն այսպիսին է եղել` չկողմնորոշվածների ձայները ներառյալ.

Իշխող ԱԶԿ-AKP
«Արդարություն և զարգացում կուսակցություն» - 32.8% 

Ընդդիմադիր ԺՀԿ-CHP
«Ժողովրդահանրապետական կուսակցություն» - 26․3%

Քրդամետ ԺԴԿ-HDP

«Ժողովուրդների դեմոկրատական կուսակցություն» - 10․1%

Իշխանամետ ԱՇԿ - MHP
«Ազգայնական շարժում կուսակցություն» - 7․2%

Ընդդիմադիր ԼԿ - İYİ Parti

«Լավ կուսակցություն» - 13.9%

Ընդդիմադիր ԺԱԿ-Deva Partisi

«Ժողովրդավարություն և առաջընթաց կուսակցություն» - 1.6%

ԹԲԿ-TİP

«Թուրքիայի բանվորական կուսակցություն» - 1.4%

Իսկ այն հարցին, թե նախագահական ընտրություններում հիմա ում կտայիք ձեր ձայնը, մասնակիցների 39.1%-ը պատասխանել է, որ կքվեարկեր գործող նախագահ Էրդողանի օտին, իսկ 50.9%-ը՝ ընդդիմադիր թեկնածուի օգտին:

Երկրորդ փուլ անցնելու դեպքում Էրդողանի և ընդդիմադիր 3 թեկանծուների միջև մասնակիցները նախընտրությունը տվել են ընդդիմադիր թեկնածուներին, համապատասխանաբար՝

Էրդողան - 42.8%  և Քեմալ Քըլըչդարօղլու /ԺՀԿ առաջնորդ/ - 43.3%

Չեմ քվեարկելու - 10.4%

Չեմ որոշել - 3.1%

Էրդողան - 41.4% և Էքրեմ Իմամօղլու /Ստամբուլի քաղաքապետ, ընդդիմադիր ԺՀԿ անդամ/ - 49.5%

Չեմ քվեարկելու - 6.6%

Չեմ որոշել - 2.1%

Էրդողան - 37% և Մանսուր Յավաշ /Անկարայի քաղաքապետ, ընդդիմադիր ԺՀԿ անդամ/-  55.5%

Չեմ քվեարկելու - 4.8%

Չեմ որոշել-  2.3%

Բացի այդ սոցհարցման մասնակիցների 60.3%-ը ցանկություն է հայտնել, որ Թուրքիան անցում կատարեր պետական կառավարման խորհրդարանական համակարգին։