Ձեր վստահելի աղբյուրը

«Կանգնեցրեք Ադրբեջանի ագրեսիան», «Ապաշրջափակեք Արցախը». Այս ու այլ գրություններով պաստառներով, «Արցախ, Արցախ» բացականչություններով ազատության հրապարակում մեկնարկած հավաքի մասնակիցները երթով հասան ՄԱԿ-ի երևանյան գրասենյակի մոտ։

Երթի ընթացքում մասնակիցները հանդես էին գալիս կարճ հայտարարություններով.

«Մենք պահանջում ենք միջազգային հանրությունից, որ վերջ դնեն Ադրբեջանի հայատյաց քաղաքականությանը»։

«Թույլ չենք տալու, Արցախը երբեք չի լինելու Ադրբեջանի կազմում»։

«Մենք այսօր միջազգային հանրությանն այսօր էլ հիշեցնում ենք, որ մարդը բարձրագույն արժեք է, մինչդեռ Ադրբեջանի կողմից ապաշրջափակված Արցախում 120 հազար մարդու իրավունքներն անտեսվում են»։

«Միջազգային հանրությունը պետք է կոշտ և կոպւտ արձագանքի Ադրբեջանին. Այո, Ադրբեջանը տեռորիստ է, մեկ անգամ չէ, որ նա ապացուցել է դա»։

«Ադրբեջանն ագրեսոր է»։

«Մենք եկել ենք ասելու, որ ունենք կյանքի իրավունք։ Արցախն անկատրում է, երբեք չի եղել ու չի լինելու Ադրբեջանի կազմում»,-արդեն ՄԱԿ-ի գրասենյակի դիմաց բարձրախոսով հայտարարեց արցախցի երիտասարդ աղջիկը, որը չի կարողանում վերադառնալ հարազատ օջախ։

«Այստեղ ենք նաև հասկանալու, արդյոք ՄԱԿ-ը որ ստեղծվել է հատուկ առաքելությամբ, հետևո՞ւմ է այդ առաքելությանը Հայաստանում։ Այսօր մեր հայրենակիցները կանգնած են հումանիտար աղետի առաջ, Դուք արձանագրումներ անելո՞ւ եք։ Մենք այստեղ ենք՝ հստակ հայտարարելու, որ թույլ չենք տալու, որ Արցախը լինի Ադրբեջանի կազմում, որ դրածո իշխանությունն Արցախը հանձի Ադրբեջանին»,-հայտարարեց մեկ այլ մասնակից։

ՄԱԿ-ի գրասենյակից այցիայի մասնակիցներին լսելու դուրս եկած աշխատակցին ներկաները փոխանցեցին նամակ։

«Արցախի տասնյակ  հազարավոր քաղաքացիներ չեն կարողանում տուն վերադառնալ ու այնտեղից դուրս գալ, քանի որ Ադրբեջանը շրջափակել է Արցախը։ Ցանկանում ենք, որ միջազգային հանրությունն իրական ջանքեր գործադրի խնդրի լուծման համար»,-դիմելով ՄԱԿ-ի ներկայացուցչին՝ ասած դաշնակցական Սևակ Նազարյանը։

ՄԱԿ-ի գրասենյակից դիմացից քաղաքացիները շարժվեցին դեպի տարբեր երկրների դեսպանատներ։