Ձեր վստահելի աղբյուրը

Նիկոլ Փաշինյանի կինը՝ Աննա Հակոբյանը, որ իրեն երկրի առաջին տիկին է երևակայում, որ պետական բյուջեի հաշվին տարին բոլոր շրջագայում է տարբեր երկրներում, Հայաստանի ու Արցախի համար այս վճռորոշ պահին հայկական երկրորդ հանրապետությունում կանանց, երեխաների, շտապ բուժօգնության կարիք ունեցող հիվանդների ոտնահարված իրավունքների, մարդասիրական ճգնաժամի մասին բարձրաձայնելու, գրառումներ անելու փոխարեն, որոշել է ինսթագրամում ներկայացնել, թե ինչ ռոմանտիկ միջավայրում է վայելում ֆուտբոլի առաջնության Ֆրանսիա-Մարոկկո հանդիպումը։

Ինսթագրամում սովորաբար մարդիկ թիթիզություններ են ցուցադրում, միմյանց հաճոյախոսություններ անում, գովում, բայց այն, ինչ կատարվում է Աննա Հակոբյանի գրառման ներքո, այդ կանոնների շրջանակում չի տեղավորվում։

Մոտ 630 մեկնաբանություն կա, գերակշիռ մասն Աննա Հակոբյանի հասցեին ամոթանքներ են, վիրավորանքներ։ 

«Արցախում երեխաներ ունեցող բոլոր տներում մարդիկ անգամ հոսանքով ջեռուցումն են քիչ ժամանակով միացնում, որ խնայեն էներգիան, իսկ դուք ինչ հիանալի պայմաններ եք գովազդում։ Գարեջուրը կարծես մոռացել եք»։

«ուզում եմ հասկանալ մոտիվը և նպատակը այս լարված պահին նման վիդեո տեղադրելու: Արցախում երրորդ օրն է մարդիկ անլույս, առանց ջեռուցում շրջափակման մեջ են: Մարդիկ ամեն րոպե հեռախոսները ձեռքներին փորձում են մի լուր իմանալ...»։

«Դուք առաջին դեմքերից եք Հայաստանի ու դուք թքած ունեք ինչ ա կատարվում Արցախում ? ամեն ինչ նորմալ ա ու ոչմի ուրիշ կարևոր փոստ չկա անելու կամ աջակցելու»։

«Ի դեպ, հայկական երկրորդ հանրապետությունում ՝ Արցախում, գազ չկա: Երեխաները մանկապարտեզ, դպրոց չեն գնում, քանի որ ջեռուցում չկա: Չե՞ք կարծում, որ առնվազն տեղին չէ նման հրապարակում անելը։
Մարդկայնորեն, ուղղակի, Արցախի մեր հայրենակիցները շրջափակման մեջ են:
Անհանգստացնող ոչինչ չկա՞»։

«Ի՞նչ անել, երբ Արցախում հումանիտար աղետ է, իհարկե՜՜՜ ֆուտբոլ նայել ու փոստեր դնել այդ մասին»։

«Դուք լրիվ ե՞ք իրականությունից դուրս եկել։Երեխաները երկու օր է չեն կարողանում իրենց տուն գնալ, մարդկանց տներում ջեռուցում չկա , իսկ դուք հենց հիմա ձեր հարմարավետ ու տաքուկ երեկոն եք ի ցույց դնում։ Էլ զարմանալու տեղ չեք թողնում։ Շարունակեք այդ պես»։

«Միանգամից միանայիք ադրբեջանցի «էկոակտիվիստներին». իրենք էլ ձեր պես մեր շնչին նստած ֆուտբոլ են նայում խարույկի շուրջ, էսթետիկ կոնտենտը կլրացնեք :)»։

Ֆեյսբուք սոցիալական ցանցի հայկական տիրույթում էլ օգտատերերը տարածել են Աննա Հակոբյանի հրապարակած մոմառատ նկարն ու քննադատել նրա արարքը: Օգտատեր Անուշ Շահրամանյանն օրինակ գրել է.

«Աչքերիս չեմ հավատում։ Կատվի մասին փոստից, դրա վերաբերյալ մարդկանց արձագանքից հետո, ներկա պայմաններում, երբ հազարավոր հայեր նեղության մեջ են, ծայրաստիճան անորոշ ու լարված վիճակում, թշնամու կողմից շրջափակման մեջ, առանց ջեռուցման…Հայաստանի առաջին տիկինը, որին սփյուռքից հազարավոր մարդիկ են հետեւում, հրապարակում ա էս վիդեոն, տոնում ա, երանության մեջ ա։ Սա Պեմզաշենի ոճրագործի պես էմպատիայից զուրկ հոգեկան հիվանդ ա, ուրիշ ոչինչ»։