Դոդոնը Մոլդովայի նախագահին մեղադրել է պետության կործանման մեջ
Մոլդովայի նախկին նախագահ Իգոր Դոդոնը Հանրապետության գործող ղեկավար Մայա Սանդուին մեղադրել է պետության կործանման մեջ։ «Ռիա Նովոստի»-ի փոխանցմամբ, այդ հայտարարությունը քաղաքական գործիչն արել է շաբաթ օրը՝ մեկնաբանելով իշխանությունների որոշումը՝ արգելել վեց ընդդիմադիր և ռուսալեզու հեռուստաալիքների գործունեությունը:
Ուրբաթ օրը Մոլդովայի իշխանությունները կասեցրել են ընդդիմադիր և ռուսալեզու մի շարք հեռուստաալիքների լիցենզիան, որոնք, իբր, անբարեխիղճ կերպով լուսաբանում են երկրում և Ուկրաինայում տեղի ունեցող իրադարձությունները, ինչն առաջացնում է ապատեղեկատվության տարածման ռիսկեր։
«Սանդուն ոչ միայն չի կարողանում արդյունավետ կառավարել երկիրը, այլև միտումնավոր ոչնչացնում է այն։ Նա ոչնչացնում է տնտեսությունը, սոցիալական համախմբվածությունը, ազգամիջյան հավասարակշռությունը, ոչնչացնում է մարդկանց հավատը վաղվա օրվա նկատմամբ, ոչնչացնում է ժողովրդավարությունը, արդարությունը, ընդդիմությունն ու չորրորդ իշխանությունը՝ լրատվամիջոցները»,- գրել է Դոդոնը Telegram-ի իր ալիքում։
Նախկին նախագահը նշել է՝ հասարակության մեջ աճում է լարվածությունը, որը կարող է վերածվել սոցիալական բունտի։
Դոդոնի խոսքով՝ երկրում դժգոհությունն աճում է, քաղաքացիների համբերությունը սպառվում է, և դա զգում է ամեն օր գյուղերում, մարզերում մարդկամ հետ հանդիպումների ժամանակ։
«Չեմ կարծում, որ իշխանությունները զգում և հասկանում են, թե ինչպես է մարդկանց զայրույթը մեծանում, չեմ կարծում, որ դեսպանները, որոնք հանդուրժում կամ հավանություն են տալիս Սանդուի բոլոր անօրինականություններին, իսկապես հասկանում են, թե ինչպիսի ապստամբություն է հասունանում հասարակության մեջ... Ակնհայտ է, որ իշխող մերաշխություն կուսակցությունը Սանդուի հետ միասին կհեռանա, իսկ հետո նրանք անպայման պատասխան կտան իրենց բոլոր չարաշահումների համար, պատասխան կտան ոչ միայն օրենքի, այլև ժողովրդական տրիբունալի առաջ, որը ստեղծվել է այս տարիների ընթացքում նվաստացած քաղաքացիների կողմից»,- ընդգծել է Դոդոնը։
Հարակից հրապարակումներ`
Լրահոս
Տեսանյութեր
Կլինի այնպիսի մի շաբաթ, երբ որ այդ լուրը գուցեև ճիշտ լինի. Ավանեսյանը՝ ՔՊ-ի թիրախում լինելու մասին
