Ձեր վստահելի աղբյուրը

«Ներկայացվող որոշմամբ առաջարկում ենք  ԿԳՄՍ նախարարության 2022 թվականի բյուջեով կատարել վերաբաշխում և լրացուցիչ շուրջ 974 մլն 720 հազար դրամ հատկացնել , որպեսզի կատարվեն կապիտալ ծախսեր մի շարք կրթական և մշակութային հաստատություններում»,-գործադիրի այսօրա նիստում հայտնեց ԿԳՄՍ նախարար Ժաննա Անդրեասյանը:

Նրա տեղեկացմամբ՝ նախատեսվող ծախսերը  դասակարգվում են 3 խմբի` կրթական և մշակութային հաստատություններում նախագծանախահաշվային փաստաթղթերի ձեռքբերում, շինարարական աշխատանքներ և գույքային հագեցվածության բարելավում:

Ըստ նախարարի՝ շինարարական աշխատանքներ իրականացնելու համար նախագծանախահաշվային փաստաթղթեր կմշակվեն երկու դպրոցի, մեկ մշակութային հաստատության և մեկ գիտական կենտրոնի համար,իսկ ծախսային երկրորդ ուղղությունը շինարարական աշխատանքներն են, որոնք վերաբերում են մշակութային 4 հաստատության:

«Ծախսային երրորդ ուղղությունը վերաբերում է 6 կրթական և 4 մշակութային հաստատությունների գույքային հագեցվածությանը:Դրանք հիմնականում այն կրթական հաստատություններն են, որտեղ վերակառուցման և նորոգման անհրաժեշտ աշխատանքներն արդեն արված են, և նոր գույքի ապահովմամբ կամբողջացվեն իրականացված աշխատանքները: Մշակութային հաստատությունների համար նախատեսված գույքի ձեռքբերումը ևս կարևոր նշանակություն ունի, քանի որ դրանով կբարելավվեն աշխատանքի պայմաններն ու միջավայրը»,-հայտնեց Ժաննա Անդրեասյանը: