Ձեր վստահելի աղբյուրը

ԱՄՆ-ի հարավային սահմանին միգրանտների ճգնաժամի շուրջ անորոշությունը շարունակում է աճել, քանի որ Թեքսասի նահանգապետ Գրեգ Էբոթը Ազգային գվարդիա է տեղակայում Ռիո Գրանդե գետի առանցքային հատվածի երկայնքով, գրում է «Ամերիկայի ձայն»-ը։

Ազգային գվարդիայում կա  ավելի քան 500 զինվորական՝ նահանգային ոստիկանության և սահմանապահ ծառայության աշխատակիցների հետ միասին սահմանի առանցքային «Չիուահուիտա» հատվածում:

Զորքերը փշալարերով փակում են գետի ափը չթույլատրված հատվածներով միգրանտների մուտքը Միացյալ Նահանգներ կասեցնելու համար:

Բայց քանի որ «Title 42» ծրագիրը դեռ ուժի մեջ է, որը թույլ է տալիս ներգաղթյալների մեծ մասի անհապաղ արտաքսումը, թույլատրված մուտքի կետերը նույնպես փակ են բոլորի համար:
Միևնույն ժամանակ, շահույթ չհետապնդող կազմակերպություններն ասում են, որ իրենց ապաստարաններում տեղ չունեն Էլ Պասոյի մերձակայքում արդեն երկիր մուտք գործած միգրանտներին տեղավորելու համար:

Փրկարար Ռուբի Ռիվերայի խոսքով՝ «պետք է հանեն գրախանութը, մաքրենք եկեղեցու միջանցքները, որպեսզի կարողանան ապաստան տրամադրել հատկապես ներկայիս եղանակային պայմաններում»։ «Մենք չենք ուզում, որ մարդիկ փողոցում լինեն: Բայց պահանջարկը գերազանցել է մեր հնարավորությունները: Մենք պահեստ բացեցինք փողոցի մյուս կողմում, որտեղ տեղափոխում ենք բազմաթիվ ընտանիքների, և մենք փորձում ենք նրանց տալ լավագույնը մեր ունեցածի չափով»,- ասել է նա։

Ըստ աղբյուրի՝ համայնքը շարունակում է օգնել նվիրատվություններով, իսկ միգրանտները շարունակում են ապաստան փնտրել տարածաշրջանում գիշերային ցուրտ ջերմաստիճանին:
Շատերն ասում են, որ դեմ չեն գերբնակեցմանը, քանի դեռ տանիք ունեն իրենց գլխավերևում։ 
Վենեսուելացի միգրանտ Հումբերտո Բալբոան ասում է. «Այո, այստեղ շատ նեղ է, դժվար է, բայց նաև լավ է: Պետք է աշխատենք: Ես այնպիսի մարդ եմ, ով կցանկանար աշխատել, որպեսզի իմ ընտանիքն առաջ գնա»:

Նահանգապետ Էբոթն հայտարարել է, որ կուժեղացնի սահմանային հսկողությունը, քանի դեռ «Title 42»-ի վերաբերյալ վերջնական որոշում չի կայացվել: