Ձեր վստահելի աղբյուրը

«Արդեն մի քանի օր է, ինչ իրավապահ համակարգը, փոխանակ զբաղվի իր բուն առաքելությամբ, շարունակում է Նիկոլին ծառայելու սրիկայաբարո գործելաոճը»,-Ասուլիսում հայտարարեց ՀՀԿ նախագահի տղակալ Արմեն Աշոտյանը՝ անդրադառնալով կուսակցության երիտասարդական կազմակերպության անդամներ Միքայել Գրիգորյանին և Վլադիմիր Մանուկյանին ոստիկանություն բռնի տեղափոխելու և հետևելու դեպքին:

Աշոտյանը հայտարարեց. «Նիկոլին հերիք չէ, մի հատ էլ Նիկոլի ընտանիքի անդամներին հայացքներ նետելու հետ կապված տղաներին հալածում են ոստիկանության այդ վերզիլաները, որոնք Լաչինի միջանցքը բացելու փոխարեն զբաղված են «հերոսական օպերացիայով» բերման են ենթարկել Վլադիմիրին իսկ Միքայելին օպերատիվ համարանիշներով մեքենաներով են հետևում:

Այս տղաներին հալածանքների, բիրտ ուժի են ենթարկում այն բանի համար, որ հանդգնել են հայտնվել միևնույն վայրում Նիկոլ Փաշինյանի ավագ դստեր հետ: Այսպիսին է մեր իրականությունը»:

ՀՀԿ փոխնախագհը հայտարարեց, որ Միքայել Գրիգորյանը և Վլադիմիր Մանուկյանը մենակ չեն, նրաց մեջքին են ոչ միայն ՀՀԿ-ի երիտասարդական թևը, այլ ողջ կուսակցությունը և հայ հասարակության առողջ հատվածը:

«Այս դիշովի գործելաոճը հերթական անգամ ցույց է տալիս, որ Հայաստանը բացի Նրանից, որ անընդհատ կորուստների մեջ է, այլև ձեռքերում է մի ընտանիքի, որն այլևս կորցրել է ադեկվատությունը, իրականության հետ առերեսվելու բոլոր հնարավոր աղերսները»,-հայտարարեց Աշոտյանը և դիմեց Նիկոլ Փաշինյանի ընտանիքի մեծերին. «Լավ, չեք սիրում ուրիշների երեխաներին, տանում սպանում եք, թողնում եք գերի, սարքած պատերազմների եք տանում, զոհաբերում եք… Ուրիշների երեխաներին չեք սիրում՝ դրա պատասխանը կտաք, գոնե ձեր երեխաներին սիրեք, հեռու պահեք քաղաքականությունից, գոնե ձեր երեխաներին մի խուրդեք էժան հիվանդագին չստացված կյանքի  ելևէջներում, թողեք, գոնե ձեր երեխաները շանս ունենան: Սա իմ հայրական հորդորն է, որպես մարդ, որն արդեն 4.5 տարի է իր երեխաների վրա դողում է և թույլ չի տալիս, որ հանկարծ դառնան այս քաղաքական անցուդարձի  թիրախ»:

Նրա խոսքով՝ տղաների և Փաշինյանի աղջկա միջև տեղի չի ունեցոլ ոչ մի բան, որը կարող էր ունենալ իրավական հետևանք, բայց դրա փոխարեն տաքսու միջից 18 տարեկան երիտասարդին և վարորդին իջեցնում և տանում են 6-րդ վարչություն, հոգեբանական ճնշում գործադրում, շանտաժների ենթարկում:

«Երկու մետրանոց վերզիլաները, որոնք չեն կարողանում Լաչինի միջանցքը բացեն, գոնե գնան Հայաստանի բասկետբոլի ազգային հավաքականում խաղան: Եթե այդպես ուժեղ, բոյով, ջանով տղեք են: Եթե կարողանում են տղաներին բռնեն տանեն գցեն, ապա գնդակն ի՞նչ է, որ չգցեն զամբյուղը, թող հանրօգուտ մի գործով զբաղվեն»,-ասաց ՀՀԿ-ի նախագահի տեղակալը: