Ձեր վստահելի աղբյուրը

Ադրբեջանի կողմից Լաչինի միջանցքի ապօրինի շրջափակումը շարունակվում է արդեն 25 օր։ Այս մասին կառավարության նիստում հայտարարել է Նիկոլ Փաշինյանը։

Նրա խոսքով՝ ԼՂ-ում հումանիտար ճգնաժամ հարուցած այդ գործողությունը, «միջանցնքն ապաշրջափակելու կոչերի» լայն արձագանք է հարուցել։

«Չնայած սրան Ադրբեջանը քայլեր չի ձեռնակում հարցը կարգավորելու ուղղությամբ։  Լաչինի միջանցքը փակելով Ադրբեջանը կոպտորեն խախտում է 2020թ․-ի Նոյեմբերի 9-ի ստանձնած պարտավորությունը, ինչը լրջագույն հարցեր է առաջացնում պաշտոնական Բաքվի պայմանագրունակության վերաբերյալ։ Միևնույն ժամանակ Ադրբեջանը  փորձում է Հայաստանին վերագրել՝ պայմանավորվածությունները չկատարելու մեջ, ինչը բացարձակապես  մտացածին է։ Էական է արձնագրել, որ Լաչինի միջանցքի փակման վերաբերյալ տարբեր պատճառաբանություններ են բերվում, բայց իմ համոզմամբ՝ ամենախորը և իրական պատճառը այն է, որ  ԼՂ հայերը շարունակում են ապրել իրենց հայրնիքում։ Միջազգային հանրությունն էլ սկսել է ավելի ու ավելի հստակ արձանագրել ԼՂ հայությանն էթնիկ զտումների ցեղասպանության ենթարկելու Ադրբեջանի տեսանելի քաղաքականությունը։ Այս իմաստով ավելի  առարկայական քայլեր ենք ակնկալում միջազգային հանրությունից, այդ թվում ՝  ՄԱԿ-ի Անվտանգության խորհրդի անդամ Ռուսաստանի Դաշնությունից, ում խաղաղապահ զորախումբը գտնվում են Լեռնային Ղարաբաղում և Լաչինի միջանցքը սեփական վերահսկողության տակ պահելը նրա ուղիղ պարտավորությունն է 2020թ․-ի Նոյեմբերի 9-ի եռակողմ հայտարարությամբ»,- կառավարության նիստում ասաց Փաշինյանը։

Նա նաև հայտարարեց, որ  Լաչինի միջանցքի շրջափակումն էլ ավելի անհրաժեշտ է դարձնում ԼՂ և Լաչինի միջանցք միջազգային փաստահավաք առաքելության գործուղղումը և անհրաժեշտ է շարունակական ջանքեր գործադրել այս ուղղությամբ։