Ձեր վստահելի աղբյուրը

Հունաստանը Թուրքիային կոչ է անում հարգել Էգեյան ծովում միջազգային օրինականությունը և միևնույն ժամանակ ընդգծում է, որ զիջումների չի գնա Անկարային՝ տարածքային ջրերի հետ կապված իր ինքնիշխան իրավունքների հարցում։ ՏԱՍՍ-ի փոխանցմամբ՝ այս մասին երկուշաբթի օրը կայացած ճեպազրույցում հայտարարել է Հունաստանի կառավարության պաշտոնական ներկայացուցիչ Իոանիս Իկոնոմուն։

Նրան խնդրել են մեկնաբանել Հունաստանի վերաբերյալ թուրք պաշտոնյաների վերջին հայտարարությունները։

«Մեր երկիրը Թուրքիայի հետ հարաբերություններում մշտական դիրքորոշում ունի: Կարծում եմ, որ լավ և կայուն հարաբերությունների լավագույն ճանապարհը միջազգային լեգիտիմության հարգումն է: Հունաստանը միշտ ելնում է դրանից և միևնույն ժամանակ զիջումների չի գնում այն հարցերում, որոնք վերաբերում են ինքնիշխանության իրավունքների և ազգային ինքնիշխանության հարցերում»,-ընդգծել է Իկոնոմուն։

Հարցին, թե արդյոք Հունաստանը Կրետե կղզու մոտ կհայտարարի բացառիկ տնտեսական գոտի, Իկոնոմուն հակիրճ պատասխանել է. «Մեր կառավարությունն արտաքին քաղաքականության հարցերում միշտ գործում է միջազգային իրավունքի հիման և միշտ մեր ազգային շահերի հիման վրա»:

Թուրքիայի պաշտպանության նախարար Հուլուսի Աքարը երկուշաբթի օրը ՌԾՈւ հրամանատարական կազմի հետ հանդիպման ժամանակ ասել է, որ Թուրքիան թույլ չի տա իր հարևան և ՆԱՏՕ-ի դաշնակից Հունաստանին ընդլայնել Էգեյան ծովում տարածքային ջրերի առկա սահմանները։