Ձեր վստահելի աղբյուրը

«Ժողովուրդ» թերթը գրում է.

«Նորանշանակ գլխավոր դատախազ Աննա Վարդապետյանը պաշտոնավարման առաջին օրերից նախկին և ներկա պաշտոնատար անձանց մասով նոր քրեական վարույթներ է նախաձեռնում, ուստի «Ժողովուրդ» օրաթերթը ՀՀ գլխավոր դատախազությունից հետաքրքրվեց, թե ինչ փուլում է գտնվում ՀՀ նախկին վարչապետ Հովիկ Աբրահամյանի՝ կալանքի տակ գտնվող առանձնատան վաճառքի առեղծվածը, և, առհասարակ, 9 ամիս տևած քննության ընթացքում կա որևէ մեղադրյալ այն մասով, թե ինչպես արգելանքի տակ դրված գույքը վաճառվեց:

Ի պատասխան՝ գլխավոր դատախազությունից մեզ հայտնեցին. «նախաքննության փուլում է, քրեական վարույթով մեղադրյալ չկա»: Հետաքրքիր է՝ ինչու Աննա Վարդապետյանը չի հրահանգում պարզել, թե ինչպես Նիկոլ Փաշինյանի «գրպանային օլիգարխ» դարձած Նարեկ Նալբանդյանը, որ պետությունից «փակովի» տարբերակով գնեց Ծաղկաձորի «Գոլդեն Փելես» հյուրանոցը, նաև այդ տարբերակով գնեց նախկին պաշտոնյայի՝ արգելանքի տակ գտնվող գույքը:

Ապօրինի ծագման գույքի նկատմամբ մեծ հետաքրքրություն ունեցող Վարդապետյանը պետք է նաև այս վարույթով կոնկրետ հանձնարարականներ տար. արդյոք Հակակոռուպցիոն կոմիտեի նախագահ Սասուն Խաչատրյանի՞ «մատն էր խառը», թե՞ նախկին դատախազ Արթուր Դավթյանն էր ծածկադմփոց արել գործը:

Փաստ է, որ եթե նախաքննական մարմինն այս ընթացքում որևէ բան բացահայտած լիներ առանձնատան վաճառքի գործով, կհայտներ, սակայն քար լռություն է»։

Մանրամասները թերթի այսօրվա համարում