Ձեր վստահելի աղբյուրը

ԱԺ հայտարարությունների ժամին «Պատիվ ունեմ» խմբակցության ղեկավար Հայկ Մամիջանյանն ասաց, որ իր ելույթի ժամանակ ներկայացնելու է փաստեր և դրանք չի էլ մեկնաբանելու, իսկ վերջում հայրենակիցների հետ կփորձեն հասկանալ, թե խեղճ Նիկոլ Փաշինյանի գրպանն ո՞վ  և ի՞նչ է գցել:

«Առաջին անգամ պատմության մեջ պաշտոնական Երևանը և պաշտոնական Ստեփանակերտը հակասություն ունեն Արցախի ճակատագրի հետ կապված, ընդ որում՝ պաշտոնական Ստեփանակերտը պնդում է որ Արցախպը չի կարող հայտնվել Ադրբեջանի կազմում, իսկ պաշտոնական Երևանն այն կարծես չի ասում: 

Առաջին անգամ Երևանում արձանագրվեց, որ պաշտոնական Երևանի ներկայացուցիչն ասաց, որ ՌԴ-ն և ՀՀ-ում ռուսական ռազմաբազան Հայաստանի անվտանգության սպառնալիքներն են: Առաջին անգամ Հայաստանը մերժեց Հայաստանում ՀԱՊԿ զորավարժությունների անցկացումը: Հայաստանը նաև մերժեց ՀԱՊԿ-ի օգնության փաթեթը, որն ներառում էր նաև սպառազինության տրամադրում:
Առաջին անգամ ՀՀ-ի կողմից հիմնական բանակցողը բանակցային  գործընթաց ներմուծեց Ալմա-Աթայի հռչակագրի թեզը, որը նախ՝ աղերս չի կարող ունենալ Արցախյան հակամարտության կարգավորման հետ, այն պարզ պատճառով, որ դրանից մոտ 20 օր առաջ ԼՂ-ն հանրաքվեով անկախություն էր հռչակել, ապա այն պատճառով, որ Հայաստանը դրան միացել է վերապահումով:

Առաջին անգամ Հայատանի անունից հիմնական բանակցողն սկսեց ակտիվորեն շրջանառել ՄԱԿ-ի ընդունած 4 բանաձևերը, որոնք միշտ եղել են ադրբեջանական քարոզչամեքենայի թեզ: Առաջին անգամ այս ամբիոնից հնչեց, որ մեզ զենք չեն վաճառում: Երբ Արցախը բլոկադայի մեջ էր ՀՀ վարչապետի աթոռը զբաղեցնող անձը միան 8-րդ օրը հանդիպեց Հայաստանում հավատարմագրված դեսպանների հետ, այն էլ, ըստ իմ տեղեկությունների, եղել է պլանավորված, ոչ թե՝ իրավիճակով պայմանավորված: Առաջին անգամ ՀՀ պատմության մեջ ԱԺ-ն հրաժարվում է ընդունել մի փաստաթուղթ, ոտեղ հստակ գրված է, որ Արցախը չի կարող լինել Ադրբեջանի կազմում:

Առաջին անգամա պամության մեջ Փաշինյանը չի ընդունում, որ Արւցախը կարող է ունենալ կարգավիճակ, իսկ միջազգային հանրությունն այն ընդունում է: Առաջին անգամ պատմության մեջ հայկական կողմը փաստացի հայտարարել է, որ համաձայն է ստորագրել մի պայմանագրի տակ, որում չի հստակեցվում Արցախի հետագա կարգավիճակն, այնինչ առկա էր մեկ այլ փաստաթուղթ, որն այդ կարգավիճակն ապահովում էր:

Իմ թվարկած փաստերը և մի շարք այլ փաստեր համադրելով՝ եկեք հասկանանք՝ պրոբլեմները Փաշինյանի գրպանը գցեցին, թե ինչ-որ մեկը Փաշինյանին Հայաստանի գրպանը գցեց»: