Առաջին անգամ եմ խաղալու Միլանի դեմ․ Մխիթարյան
«Ինտերի» հայ կիսապաշտպան Հենրիխ Մխիթարյանը Իտալիայի Սուպերգավաթի «Միլանի» հետ հանդիպումից առաջ կայացած ասուլիսի ժամանակ խոսել է սպասվող խաղի մասին։ «Արմսպորտ»-ը ներկայացնում է մանրամասներ
«Մենք լավագույնս պատրաստվել ենք վաղվա հանդիպմանը։ Նույն կերպ պատրաստվեցինք «Նապոլիի» ու «Բարսելոնայի» հետ հանդիպումներին։ Մենք գիտենք, որ ուժեղ թիմի դեմ ենք խաղում, բայց նույնքան ուժեղ նաև մենք»,- ասել է Մխիթարյանը։
- Ինչպե՞ս եք գնահատում Ձեր մարզավիճակը։
- Եթե ես խաղում եմ, նշանակում է, որ լավ մարզավիճակում եմ և կարող եմ օգնել թիմին: Ես 33 տարեկան եմ, դեռ պատրաստ եմ խաղալ որքան հնարավոր է երկար։ Գիտեմ, որ ինձ քիչ ժամանակ է մնացել և ամեն ինչ անում եմ յուրաքանչյուր խաղից հաճույք ստանալու համար:
- Գո՞հ եք «Ինտեր» տեղափոխվելու որոշումից:
- Ես չեմ զղջացել դրա համար։ Մի քանի տարի խաղացել եմ «Ռոմայում», բայց հիմա «Ինտերում» եմ և մտածում եմ այստեղ ինչ-որ բան հաղթելու մասին։
-Ինչպե՞ս եք պատրաստվում հանդիպմանը և ի՞նչ կարծիք ունեք խաղից դուրսը որոշող կիսաավտոմատ համարկարգի մասին:
- Նախապատրաստական աշխատանքները դեռ շարունակվում են։ Ամեն ինչ կանենք լավ պատրաստվելու համար։ Ինչ վերաբերում է խաղից դուրսը որոշող համակարգին, ապա մեզ դա չի հետաքրքրում: Մենք պետք է մեր խաղը խաղանք, մնացածը մեզնից կախված չէ։
-Դուք շատ եք բարձր մակարդակի հանդիպումներ եք անցկացրել, ինչպե՞ս են դրանք տարբերվում։
- Ես շատ եզրափակիչներում եմ խաղացել, բայց առաջին անգամ եմ խաղալու «Միլանի» դեմ։ Այլ հանդիպում է լինելու: Կարող եմ ասել, որ նման հանդիպումները խաղում են սառնասրտությամբ ու մեծ ուշադրությամբ, սխալներ թույլ տալ չի կարելի։ Պետք է կենտրոնացած մնաս և խաղաս քո խաղը:
-Դուք հաղթել եք Սուպերգավաթը բոլոր երկրներում, որտեղ խաղացել եք։ Դուք թալիսմա՞ն եք․․․
- Ես 4 սուպերգավաթ եմ նվաճել, հուսով եմ հինգերորդը հաղթեմ «Ինտերի» հետ, դա շատ կարևոր է ինձ համար, իմ կարիերայի և ակումբի համար։
- Ի՞նչ տեղի ունեցավ վերջին դերբիում։
- «Միլանի» հետ վերջին հանդիպումը այնքան էլ լավ չէր: Մենք վատ սկսեցինք մրցաշրջանը, որոշ դժվարություններ եղան։ Այս հանդիպումից հետո մենք հաղթեցինք այնպիսի կարևոր թիմերի, ինչպիսիք են «Բարսելոնան» և «Նապոլին»:
- «Ինտերը» ֆավորի՞տ է։
- Վաղը ֆավորիտ չի լինելու։ Մենք պետք է խաղանք մեր խաղը։ Եթե մենք մեր լավագույն խաղը ցուցադրենք, ապա ոչինչ չի կարող կանգնեցնել մեզ։
Հիշեցնենք, որ «Ինտեր» -«Միլան» հանդիպումը կկայանա հունվարի 18-ին և կմեկնարկի Երևանի ժամանակով 23։00-ին։
Լրահոս
Տեսանյութեր
Հայաստանի ու հայ ժողովրդի շահերը պաշտպանող իշխանություն գոյություն չունի. Բագրատ Սրբազան
