Ձեր վստահելի աղբյուրը

Վրաստանն անցյալ տարի ավելի քան 50%-ով ընդլայնել է առևտրատնտեսական համագործակցությունը Ռուսաստանի հետ: Այս մասին գրում է Jnews-ը։

Չնայած, որ 2008 թվականի օգոստոսյան պատերազմից հետո երկրու երկրների միջև խզված են դիվանագիտական ​​հարաբերությունները և օկուպացված տարածքների։

Ռուսաստանը Թուրքիայից հետո երկրորդ տեղում է Վրաստանի ամենամեծ առևտրային գործընկերների ցանկում: Վրաստանի և Ռուսաստանի միջև 2022 թվակաին ապրաքաշրջանառությունը կազմել է 2,5մլրդ դոլար:

Ռուսաստանից ներմուծումն, իր հերթին, աճել է 79 տոկոսով և հասել ռեկորդային 1,83 մլրդ դոլարի։ Վրաստանից Ռուսաստան արտահանումն աճել է 6,8 տոկոսով և կազմել մինչև 651 մլն դոլար։

Անցյալ տարի կտրուկ աճել են Ռուսաստանից Վրաստան մատակարարվող նավթամթերքի, ալյուրի ու ցորենի ծավալները։ Վրաստանից Ռուսաստան առաքումների մեջ ամենամեծ աճը նկատվում է ավտոմեքենաների վերաարտահանման ոլորտում:

Վրաստանից ամենաշատը Ռուսաստան է արտահանվել հետևյալ ապրանքները՝

• գինիներ՝ 161 մլն դոլարի, աճը կազմել է 23 տոկոս,
• ֆեռոհամաձուլվածքներ՝ 109 մլն դոլար, նվազել է 37 տոկոսով,
• թեթև մարդատար մեքենաներ (վերաարտահանում)՝ 76 մլն դոլար, աճը կազմել է՝ 338 տոկոս,
• սպիրտներ՝ 57 մլն դոլար, աճը կազմել է 38 տոկոս,
• հանքային և քաղցրահամ ջրեր՝ 51 մլն դոլար, նվազել է 16 տոկոսով:

Վրաստանն ամենաշատը Ռուսաստանից ներմուծել է հետևյալ ապրանքները՝

• նավթամթերք՝ 623 մլն դոլար, աճը կազմել է 361 տոկոս,
• բնական գազ (ներառյալ ավտոգազ)՝ 112 մլն դոլար, աճը կազմել է 24 տոկոս,
• ալյուր՝ 67 մլն դոլար, աճը կազմել է 478 տոկոս,
• ցորեն՝ 62 մլն դոլար, նվազել է 29 տոկոս,
• ածուխ և նմանատիպ նյութեր՝ 59 մլն դոլար, աճը կազմել է 152 տոկոս: