Ձեր վստահելի աղբյուրը

Երգչուհի Լայմա Վայկուլեն իսրայելցի լրագրողներին տված փոքրիկ հարցազրույցում նկարագրել է իրեն և Ալլա Պուգաչովային, գրում է «Գազետա.ռու»-ն։

Նրանք մտերիմ ընկերներ են և իրար տեսել են արտասահմանում այն բանից հետո, երբ Պուգաչովան լքեց Ռուսաստանը:

Վայկուլեն իրեն և Պուգաչովային անվանել է «ճշմարտության մարտիկներ»։ «Արդարությունը շատ կարևոր բան է։ Քանի որ ես և Ալլան երկուսս էլ ծնվել ենք Խոյ համաստեղության տակ, մենք չենք կարող անարդար լինել: Մենք տաքարյուն ենք»,- ասել է  երգչուհին։

Նա նաև նշել է, որ իր համար միշտ հեշտ է եղել ճշմարտությունն ասելը, սակայն չի թաքցրել, որ բնավորության այս գիծն իր կյանքում մեկ անգամ չէ, որ խանգարել է իրեն։

Փետրվարին Վայկուլեն համերգային ծրագրով ելույթ կունենա Իսրայելի մի քանի քաղաքներում։ Երգչուհին խոստովանել է, որ համերգների համար պարողների կազմում կներգրավվեն Կիևից ժամանած արտիստների։