Ձեր վստահելի աղբյուրը

ՀՌՀ նախագահ Տիգրան Հակոբյանն արձագանքել է  5-րդ ալիքի կողմից տարաված հայտնի տեսանյութին, դրան հետևած արձագանքներին ու ՀՌՀ անելիքներին։ Նա մասնավորապես գրել է.

««5-րդ ալիք»-ի եթերում ցուցադրված Ազատ գյուղի զորամասի կացարանի հրդեհի կարճ տեսանյութը լայն տարածվել է համացանցում և խիստ բացասական արձագանքի  է արժանացել: Մարդիկ հատկապես զայրացած և վրդովված են հնչող հուսահատ,  տառապանքով, ցավով  լի մարդկանց ճիչերից:  Այո, շատ ծանր է դա լսել, շատ-շատ ծանր…

Մի քանի լրատվամիջոց դիմել են ինձ պարզաբանումների համար, սոցցանցերում   «ֆլեշմոբի» պես ինչ-որ ակցիա  է սկսվել՛ Հանձնաժողովից և Նանձնաժողովի նախագահից  պահանջում են գնահատական տալ, շտապ նիստ հրավիրել, եթերազրկել  հեռուստատեսությունը, «պատժել  դավաճաններին» և այլն:
Արձագանքում եմ: ՀՌՀ համապատասխան բաժիններին  երեկ երեկոյան արդեն իջեցված էին հանձնարականներ մշտադիտարկել   «5-րդ ալիք»-ի եթերը, նախապատրաստել իրավական գնահատականը:  Ինձ մոտ հավաքված նախնական տվյալների համաձայն հեռուստատեսության եթերում եղել է միայն հեռվից նկարահանված հրդեհը, ճիչեր, ձայներ չեն հնչել,  հրդեհի կադրերը ուղեկցվել են  լրագրողի տեքստով հրդեհի մասին: Ձայները հնչել են  YouTube-ում, և կադրերը ուղեկցվել են գրությունով, թե ով է նկարահանել հեռախոսով, և  ում  ձայներն են հչում:

Նախնական եզրակացությունս, կրկնեմ՛ նախնական, հետևալն է:

1.Եթերում ցուցադրվել է  հրդեհի «համր» տեսանյութը, որտեղ չկան այրվող մարմիններ, դաժան կադրեր, ոբղերգության բաց տեսարաններ, որոնք կարող են սոսկանք, սարսափ առաջացնել, ազդել անչափահասների ֆիզիկական և հոգեկան առողջության վրա: Վարչական վարույթ բացելու հիմքեր դեռ չենք տեսնում:
2.Օրենքով YouTube-յան հեռարձակումը ՀՌՀ կարգավորումից դուրս է, այս տիրույթում գործառույթ չունենք:

Ավելի մանրամասն այս խնդիրը կքննարկվի երկուշաբթի օրը: Նաև կարծում եմ, որ ճիշտ կլիներ հենց «5-րդ ալիք»-ն իր պարզաբանումները ներկայացներ, ներողություն հայցեր հանրությունից:

Բայց մի կարևոր հանգամանքի մասին էլ գրեմ: Եթե հասարակ քաղաքացու ցասումը, հուզմունքները  հասկանալի ենև ընդունելի, ապա լրագրողական հանրության ներկայացուցիչների արձագանքը (առանց փաստերը ստուգելու, խնդրի իրավական կողմը հասկանալու) տարօրինակ են և մտահոգիչ: Լրագրողը պետք է փաստերով խոսի, այլ ոչ թե ամբոխահաճո կոչեր հնչեցնի՛ եթերազրկել, պատժել, գնդակահարել..: Այդ ամենը ստեղծում է իմաստազուրկ «տեղեկատվական հեղեղներ», որոնց բացասական ազդեցության մասին ավելորդ է խոսել: և իմ այս խորհուրդը  վերաբերվում է հատկապես ազատական գաղափարներ դավանող մեդիահանրությանը»։