ԵՄ ԱԳ նախարարներն այսօր կհաստատեն Հայաստան նոր առաքելություն ուղարկելու որոշումը
ԵՄ 27 երկրների արտաքին գործերի նախարարները երկուշաբթի նախատեսված հանդիպմանը կքննարկեն Ուկրաինայի հակամարտությունը, մասնավորապես նախագահ Վլադիմիր Զելենսկու այսպես կոչված խաղաղության ծրագիրը: ՏԱՍՍ-ի փոխանցմամբ՝ լրագրողներին հայտնել է Բրյուսելում ԵՄ բարձրաստիճան պաշտոնյան։
Եվրոպացի դիվանագետը նաև ասել է, որ արտգործնախարարները կորոշեն Հայաստան ուղարկել նոր առաքելություն, որը պետք է նպաստի տարածաշրջանի կարգավորմանը։ Դիվանագետի խոսքով՝ ԵՄ-ն մտահոգությամբ է հետևում Լաչինի միջանցքի շուրջ տեղի ունեցող իրադարձություններին և ջանքեր է գործադրում իրավիճակը կարգավորելու համար։
2022 թվականի հոկտեմբերին ԵՄ ԱԳ նախարարները պայմանավորվել են ստեղծել առաջին քաղաքացիական առաքելությունը՝ լուծելու Հայաստանի և Ադրբեջանի միջև սահմանին առկա խնդիրները։ Նրանք ԵՄ-ի մինչև 40 փորձագետներ են ուղարկել Ադրբեջանի հետ սահմանի հայկական կողմ՝ տարածաշրջանում տիրող իրավիճակի մոնիթորինգի, վերլուծության և զեկուցելու համար։ Առաջին առաքելության աշխատանքը տևել է երկու ամիս։
Ադրբեջանի՝ Արցախի Հանրապետության ու Հայաստանի Հանրապետության նկատմամբ 2020 թվականի սեպտեմբրի լայնամասշտաբ ագրեսիայի ընթացքում և հետո Ադրբեջանի իշխանություններին հաջողվեց, բացի Արցախից պոկած-գրաված տարածքների, գրավել նաև Արցախ-Հայաստան սահմանակից մարզերը, ինչի պատճառով թշնամական Ադրբեջանի կողմից շրջափակված Արցախի Հանրապետության միակ կապը ՀՀ հետ իրականացվում էր մի միջանցքով։
Ըստ Եռակողմ հայտարարության՝ Ադրբեջանը պիտի ապահովեր, ինչը նույնն է՝ չխոչընդոտեր Արցախի միջանցքով հաղորդակցությանը, իսկ ՌԴ խաղաղապահ զորքերը պիտի վերահսկեին այդ անխոչընդոտ կապը։
Սակայն, շարունակելով հայասպան քաղաքականությունը, Ադրբեջանը կազմակերպեց, այսպես կաչված, «բնապահպանների» բողոք-ցույց, ումով էլ Արցախի (Լաչինի) միջանցքը փակեց։
Մի ամսից ավելի է Արցախի Հանրապետությունը գտնվում է տոտալ շրջափակման մեջ, իսկ ադրբեջանցի «բնապահպանները», որոնց թվում են Ադրբեջանի հատուկ ծառայությունների գործակալներ, Ապրիլյան պատերազմի մասնակից,... դարձել են անձեռնամխելի՝ նոր բախման շանտաժով։
Չնայած տարբեր երկրիների կոչերին՝ բացել Արցախ-Հայաստան միջանցքը, ադրբեջանական հերթական ագրեսիան դեռ մնում է անպատիժ։
Հարակից հրապարակումներ`
- Կլաար. ԵՄ առաքելությունը Լաչինի միջանցք մուտք չի գործել
- Իրավիճակի ողջ բարդությամբ հանդերձ, ԵՄ առաքելությունն նաև կանխարգելիչ դեր է խաղացել. Արարատ Միրզոյան
- Մենք ԵՄ առաքելությունը դիտարկում ենք որպես Երևանի ու Բաքվի հարաբերությունների կարգավորմանը միջամտելու փորձ․ Զախարովա
- Ռուս փորձագետ. ԵՄ առաքելությունը կարող է փրկարար փայտիկ դառնալ Հայաստանի վարչապետի համար
Լրահոս
Տեսանյութեր
Դուք մասնակից եք դարձել պետականության կործանմանը. Բագրատ Սրբազանը՝ ՔՊ-ականներին
