Ձեր վստահելի աղբյուրը

Շրջափակումից հետո մեկը մյուսի հետևից Արցախում փակվում են շինհրապարակները: Աշխատող եզակի շինհրապարակներից մեկը Նախիջևանիկում է: Արցախի Հանրային Հեռուստատեսության «ՕՐ Լրատվական»-ի հաղորդմամբ, շրջափակումից առաջ ներմուծած, պահեստավորած շինանյութի շնորհիվ գյուղի  նոր թաղամասի շինարարությունը շարունակվում է ըստ ժամանակացույցի: Նախաձեռնողներն ասում են՝ սա էլ Արցախը հայկական պահելու պայքարի իրենց ճանապարհն է:

Մանրամասները՝ Արցախի Հանրային Հեռուստատեսության տեսանյութում։ 

Ադրբեջանի՝ Արցախի Հանրապետության ու Հայաստանի Հանրապետության նկատմամբ 2020 թվականի սեպտեմբերի լայնամասշտաբ ագրեսիայի ընթացքում և հետո  Ադրբեջանի իշխանություններին հաջողվեց, բացի Արցախից պոկած-գրաված տարածքների, գրավել նաև Արցախ-Հայաստան սահմանակից մարզերը, ինչի պատճառով թշնամական Ադրբեջանի կողմից շրջափակված Արցախի Հանրապետության միակ կապը ՀՀ  հետ իրականացվում էր մի միջանցքով։

Ըստ Եռակողմ հայտարարության՝ Ադրբեջանը պիտի ապահովեր, ինչը նույնն է՝ չխոչընդոտեր Արցախի միջանցքով հաղորդակցությանը, իսկ ՌԴ խաղաղապահ զորքերը պիտի վերահսկեին  այդ անխոչընդոտ կապը։

Սակայն, շարունակելով հայասպան քաղաքականությունը, Ադրբեջանը կազմակերպեց, այսպես կաչված,  «բնապահպանների» բողոք-ցույց, ումով էլ Արցախի (Լաչինի) միջանցքը փակեց։

Մի ամսից ավելի է Արցախի Հանրապետությունը գտնվում է տոտալ շրջափակման մեջ, իսկ ադրբեջանցի «բնապահպանները», որոնց թվում են Ադրբեջանի հատուկ ծառայությունների գործակալներ, Ապրիլյան պատերազմի մասնակից,...  դարձել են անձեռնմխելի՝ նոր բախման շանտաժով։

Չնայած տարբեր երկրիների կոչերին՝ բացել Արցախ-Հայաստան միջանցքը, ադրբեջանական հերթական ագրեսիան դեռ մնում է անպատիժ։