Սա փաստ է, որը գործող իշխանությանն օժտում է լկտի անբարտավանությամբ վարվելու մեզ հետ. Աննա Կոստանյան

Քաղաքական 17:47 03/02/2023 Հայաստան

Սա փաստ է, որը գործող իշխանությանն օժտում է լկտի անբարտավանությամբ վարվելու մեզ հետ. Աննա Կոստանյան

«Ուզում եմ ցավալիորեն փաստել Լաչինի միջանցքի փակման հարցով քննարկման խորհրդարանական դահլիճի այսօրվա պատկերը: Փաստորեն սա շատ ցավալի փաստ է, որը գործող իշխանությանն օժտում է լկտի անբարտավանությամբ վարվելու մեզ հետ, ինչպես վարվել են ԱԺ այս ամբիոնից»,-խորհրդարանական լսումների ժամանակ հայտնեց ԱԺ նախկին պատգամավոր Աննա Կոստանյանը՝ մատնացույց անելով քննարկումների ավարտին դատարկված դահլիճը:

Անդրադառնալով ՔՊ ական պատգամավոր Գորգեն Արսենյանի՝ 120 հազար արցախահայությանը և 3 մլն ՀՀ քաղաքացիներին համեմատության մեջ դնելու փորձին՝ Կոստանյանն ասաց, որ փաստացի այն նշանակում է, որ կարելի է արցախահայությանը զոհել 3 մլն հայերին փրկելու համար և նկատեց, որ Արսենյանը սակայն չներկայացրեց երաշխիքներն այդ փրկության:

«Արդյո՞ք ազգային իշխանությունը սեփականաշնորհած քաղաքական իշխանական խմբակը գործուն քայլեր ձեռնարկում է, ոչ միայն Արցախի, այլև ՀՀ-ի դեմ տարվող ոտնձգությունների դեմ առնելու կամ ռեալ պայքար տանելու ուղղությամբ, թե ընդամենը պատրանք է ստեղծում»,-հայտարարեց նախկին պատգամավորը և եզրահանգման եկավ, որ միայն պատրանք է եղել, քանի որ իշխանության կողմից որևէ նպատակային գործընթաց չի տարվել:

Կոստանյանի կարծիքով՝ իշխանությունների դեմ պայքարը պետք է լինի իրենց մեթոդներով՝ իրենց խոսքերով՝ հենց իրենց դեմ:

Հիշեցնելով, որ 2020 թվականից հետո իշխանությունները տվել են բազմաթիվ խոստումներ, բայց դրանք հիմնականում չեն իրականացրել՝ ԱԺ նախկին պատգամավորը շեշտեց, որ մի խոստում, այնուամենայնիվ, կատարել են՝ հետևողականորեն կառուցել են ոստիկանապետություն:

Իր խոսքի վերջում նա հայտարարեց, որ իշխանությունները տապալվել են և պետք է հեռացվեն:

Հարակից հրապարակումներ`

Տեքստում սխալ կամ վրիպակ նկատելու դեպքում, ուղարկեք խմբագրին հաղորդագրություն` նշելով տվյալ սխալը, այնուհետև սեղմելով Ctrl-Enter: