Ձեր վստահելի աղբյուրը

«Հայաստանի իշխանություններն ամեն ինչ անում են, որ արցախի թեման դուրս գա օրակարգից և վերածվի ընթացիկ լրահոսի, իրենց քարոզի հիմքում Հայաստանն Արցախին հակադրելն է, հայաստանցի-ղարաբաղցի հակադրության մտցնելը»,-Լաչինի միջանցքի փակման կապակցությամբ «Հայաստան» խմբակցության շրջանառած հայտարարության հանրային քննարկումների ժամանակ հայտարարեց ԱԺ պատգամավոր  Արեգնազ Մանուկյանը:

Նրա խոսքով՝ իշխանություններ ինչպես 44-օրյա պատերազմից հետո պարտությունը ներկայացնում եին բարեբախտություն, այնպես էլ այսօր Լաչինի միջանցքի փակումն են ներկայացնում, որպես հնարավորություն՝ իբր փոխարենը Հայաստանի ինքնիշխանությունն են կարողանալու պաշտպանել ու չեն հանձնելու «Զանգեզուրի միջանցքը»:

«Իրականությունն այն է, որ սրանք Արցախը ճանաչել են ադրբեջանական և դրանով ոչ թե փրկել են, այլ բացել են Հայաստանի կործանման ճանապարհը: Եթե Իջևանում, Երևանում, Գյումրիում , Ենոքավանում կամ  Հայաստանի այլ քաղաքներում և գյուղերում ապրող որևէ մեկին թվում է, թե կարելի է Արցախը զիջելով խաղաղություն ստանալ, ապա նա չարաչար սխալվում է: Նիկոլենք 44-օրյա պատերազից հետո ասում էին՝ ոչինչ որ պատերազմը պարտվեցինք և հսկայական տարածքներ կորիցրեցինք, փոխարենը շանս է ստեղծվել թուրքիայի և ադրբեջանի հետ ճանապարհները բացելու, առևտուր անելու, լավ ու խաղաղ ապրելու:Հիմա արդեն իրենք են խոստովանում որ Ալիևը Երևանն է պահանջում, Հայաստանն էլ համարում է «արևմտյան Ադրբեջան»: Խոստովանում են, բայց շարունակում են թուրք-ադրբեջանական նախապայմանները բավարարելու ուղղությամբ գնալ և մարդկանց խաբել»,-ասաց Մանուկյանը:

Պատգամավորը հայտարարեց, որ  Լաչինի միջանցքը փակվել է Ալիևի հանցավոր որոշման և ՀՀ իշխանությունների հակահայաստանյան և հակաղարաբաղյան քաղաքականության հետևանքով:

«Հայաստանի և արցախի շահերը տարանջատելը, առավել ևս՝ հակադրելը պետական հանցագործություն է»,-ասաց ընդդիմադիր պատգամավորը և շեշտեց, որ այդ քաղաքականույան պատճառով զոհի կարգավիճակում են հայտնվել Հայաստանի և Արցախի քաղաքացիները:
Ըստ նրա՝ իշխանություններն այն տեսակետն են տարածում, որ  Լաչինի միջանցքը ղարաբաղցիների հարցն է և իրենք էլ պետք է ռուսների և Ադրբեջանցիների հետ այդ հարցը լուծեն, այն դեպքում երբ 2021 թվականի ընտրություններին խոստացել էին հետամուտ լինե Արցախի ինքնորոշման իրավունքին:

«Հիմա իշխանություններն ասում ենք՝ խաբել ենք և թեքվում են դեպի թուրքիա և հույսերը դնում Ադրբեջանի ողորմածությանը»,-շեշտեց Արեգնազ Մանուկյանը և, ներկայացնելով իրավիճակից ելքերի իր տեսլականը, հավելեց. «Մեզ նոր որակի առաջնորդություն է պետք, որն Արցախը չի համարի ադրբեջանական, չի փլուզի հայ-ռուսական հարաբերությունները, Իրանի հետ նոր հարաբերույթուններ կհաստատի, Արևմուտքի համար կդառնա վստահելի գործընկեր, այլ ոչ թե օգտագործման ենթակա գործիք, կբերի իրական խաղաղություն, կվերականգնի բանակը, կվերացնի ներազգային թշնամանքը, վերջ կտա այս մղձավանջին: Մինչև այս ամենը չլինի, չի լուծվելու Լաչինի միջանցքի խնդիրը, Հայաստանի և Արցախի գոյությունը հայտնվելու է հարցականի տակ: Մենք չեն կարող թույլ տալ իշխանությունը զավթած մեր մարդու փոքրիկ խմբակի գործողությունների հետևանքով հազարմայա մեր ժողվուրդը կրկին հայտնվի կրակի բերանում, կամ սրի քաշվի: Չենք կարող թույլ տալ պետության վաճառք՝ սեփական կաշվի փրկության դիմաց»:

Նա դիմեց արցախցիներին, հայտնելով որ Հայաստանն իրենց հետ է, բոլորն են շրջափակված և հորդորեց է իշխանությունների փոքր խբով կարծիք չկազմել ողջ հայության մասին: