Ձեր վստահելի աղբյուրը

Փաստաբան Արսեն Բաբայանը գրում է.

«Սահմանադրական դատարանի դատավոր Սեդա Սաֆարյանի կողմից Սահմանադրության և օրենքների կոպտագույն խախտումների մասին ես և իմ գործընկեր, փաստաբան Սոս Հակոբյանը վերջին օրերին բավականին շատ խոսել ենք:

Վերջին հարցազրույցներիցս մեկում տեղեկացրեցի, որ մեր կողմից իրականացվում է խորացված ուսումնասիրություն, որի ավարտից հետո հանդես կգանք լրացուցիչ պարզաբանումներով և բացահայտումներով:

Եկել է ժամանակը․․․

Հարգելի լրագրողներ, ես և Սոս Հակոբյանը վաղը (10.02.2023թ․), ժամը 16:30-ին պատրաստվում ենք ձեզ հետ հրապարակային քննարկումների միջոցով հանրությանը ներկայացնել արդեն ավարտված ուսումնասիրությունների արդյունքները: Խոստանում ենք վաղը մատուցել նոր անակնկալներ, մասնավորապես՝ նոր փաստաթղթեր, որոնք ամբողջությամբ հերքում են մինչ օրս Սեդա Սաֆարյանի և նրա եղբոր բոլոր պնդումները, թեյ և սուրճ, որոնք թարմացնում են աշխատունակությունը: Միաժամանակ կապացուցենք, որ Սեդա Սաֆարյանը թույլ է տվել այնպիսի խախտումներ, որոնք բացառում են նրա հետագա պաշտոնավարումը սահմանադրական դատարանի դատավորի պաշտոնում:

Սպասում ենք բոլորիդ վաղը, փետրվարի 10-ին, ժամը 16:30-ին, Ձորափի 70/1 հասցեում»։