Ձեր վստահելի աղբյուրը

«Ես այսօր մամուլում կարդում եմ մի հայտարարություն, որն ակտիվ տարածվում է նաև ԲԴԽ-ի կողմից, և իմ մոտ տպավորություն է, որ ես կարդում եմ չինական խանութի գովազդի հայտարարություն»,-Այլընտրանքային նախագծեր խմբի նախաձեռնությամբ հրավիրված «Իրավական տեռոր՝ կենսական վտանգների շեմին» թեմայով  պանելային քննարկման ժամանակ հայտնեց իրավապաշտպան Ռոբերտ Հայրապետյան և մեջբերեց հայտարարության վերնագիրը. «Լայն հնարավորություն իրավաբանների համար՝ առանց Արդարադատության ակադեմիան ավարտելու դառնալ դատավոր»:

Նա զավեշտալի համարեց նման հայտարարությունը և հիշեցրեց, որ Վարչական դատարանի վերջին 14 դատավորներից 6-ը չունեն իրավաբանական կրթություն:

«Հիմա այդպիսի ակցիա են անում՝ դու կարող ես որակավորման քննություններն անցնել և առանց Արդադադատության ակադեմիայում 6 ամիս սովորելու, գնալ և դառնալ դատավորի թեկանծու: Բնական է, որ դատավորներ Փիլոսյանին, Նախշքարյանին և մյուսներին պետք է ազատեն, որ նրանց փոխարեն նշանակեն հայտարարությանն աձագանքածենրին: Կամ պետք է գա մի աղջիկ, որը Ազգային ժողովում բաժնի պետ էր և Սահմանադրական դատարանում ներկայացնում էր ՊՇՌ թեստերի վերաբերյալ գործը, բերանը ջուր առած կանգնել և ասում էր, որ գործն իրեն գիշերն են տվել և նա չի հասցրել պատրաստվել: Այդ աղջիկը հիմա, այո, դատավոր է: Ու այս մարդիկ գալու են լցվեն ակցիայով, որը ԲԴԽ-ն է հայտարարել»,-ասաց Հայրապետյանը:

Իրավապաշտպանը կարծիք հայտնեց, որ տանը նստած հասարակ քաղաքացին չի հասկանում, որ հացաբուլկեղենի ֆակուլտետ ավարտած ինչ-որ մեկը, որը 4 ամիս աշխատել է արծաթի խանութում որպես մենեջեր, վաղը դատարանում քննելու են իր գործը:

Ռոբերտ Հայրապետյանը հայտնեց, որ ԲԴԽ-ին այդ փաստը չի անհանգստացնում, քանի որ երբ ինքը կարդացել է այդ կառույցի՝ դատավոր Աննա Փիլոսյանին դատավորի լիազորություններից զրկելու որոշումը, իր համրա պարզ է դարձել, որ քաղաքական հետապնդում է իրականացվում:

«Այն դատավորները, որոնք հավատարիմ են իրենց կոչմանը, ծառայում են օրենքին և ՀՀ-ին, պետք է այլևս չպաշտոնավարեն, քանի որ հայտարարությունով դատավոր դարձածներին այլևս տեղ չունեն մտցնելու»,-նկատեց իրավապաշտպանը:

Ռոբերտ Հայրապետյանը նաև  հայտնեց, որ եթե դատավորները համախմբված արձագանքեին Աննա Փիլոսյանի հարցով, ապա Զարուհի Նախշքարյանի դեմ այսօր կարգապահական վարույթ չէր հարուցվի, նույնը նաև ՍԴ անդամներ Ալվինա Գյուլումյանի և Արևիկ Պետրոսյանի դեպքում: