Ձեր վստահելի աղբյուրը

ԱՄՆ իշխանությունները դեմ չեն Ուկրաինայի տարածքում գտնվող օբյեկտներին Ուկրաինայի ռազմական ուժերի կողմից հարվածներ հասցնելուն: ԱՄՆ-ը Ղրիմը ուկրաինայի մաս է համարում։ ՏԱՍՍ-ը հայտնում է, որ այդ մասին ուրբաթ օրը ասել է պաշտպանության նախարարի միջազգային անվտանգության հարցերով օգնական Սելեստ Վոլանդերը՝ պատասխանելով հարցին, թե արդյո՞ք Վաշինգտոնն աջակցում է «Ուկրաինայի կողմից Ղրիմի վերադարձնելուն», թե՞ Արևմուտքից Կիևին մատակարարվող զենքով թերակղզու ռուսական օբյեկտներին հարվածներին:

«Միացյալ Նահանգներն աջակցում է Ուկրաինայի տարածքային ամբողջականությանը և ինքնիշխանությանը իր միջազգայնորեն ճանաչված սահմանների, ներառյալ Ղրիմի նկատմամբ: Ուկրաինան իրավունք ունի պաշտպանելու իր տարածքի յուրաքանչյուր թիզը: Պայմանով, որ Ուկրաինան օպերատիվ արժեք է տեսնում ուկրաինական տարածքում ռուսական ուժերին հարվածելու մեջ:

Միացյալ Նահանգները առարկություն չունի, մենք չենք ձգտում սահմանափակել ուկրաինական ռազմական գործողություններն իրենց նպատակներին հասնելու համար»,-ասել է Վոլանդերը՝ ելույթ ունենալով Վաշինգտոնի Նոր ամերիկյան անվտանգության կենտրոնում կայացած միջոցառման ժամանակ: