Ձեր վստահելի աղբյուրը

Բելառուսի նախագահ Ալեքսանդր Լուկաշենկոն ասել է, որ Հավաքական անվտանգության պայմանագրի կազմակերպության անդամ երկրները պետք է միավորվեն, գործեն միասին և հույս չունենան, որ կարող են «հանգիստ նստեն»։

«Եթե ինչ-որ մեկը կարծում է, որ Ուկրաինայի և Ռուսաստանի միջև հակամարտությունը մեր հակամարտությունը չէ, որ մենք ինչ-որ տեղ հանգիստ կնստենք, նման բան չի լինի: Ժամանակը կգա, այն հեռու չէ, բառացիորեն՝ վաղը, կպահանջվի կողմնորոշվել, որդեգրել որոշակի դիրքորոշում: Ես չեմ ասում՝ ի վնաս ազգային շահերի և այլն, բայց մեր դաշնակցային բոլոր թերություններով հանդերձ՝ մենք պետք է հստակ սահմանենք մեր քաղաքականությունը, մեր գիծը, որպեսզի միասին գործենք։ Միասին ավելի հեշտ և պարզ է գործելը»,-ասել է Բելառուսի նախագահը ՀԱՊԿ գլխավոր քարտուղար Իմանգալի Տասմագամբետովի հետ հանդիպմանը։ «ՌԻԱ նովոստ»-ին հայտնում է, որ նրա խոսքերը մեջբերում է Բելառուսի նախագահի մամուլի ծառայությունը։

Լուկաշենկոն ընդգծել է, որ ՀԱՊԿ բոլոր անդամները պետք է միավորվեն և գործեն միասին։ «Մարտահրավերները բավականաչափ կան, մենք մեր նախագահության ժամանակ ռիսկի ենք դիմել՝ ծրագրում դրանք ներառելով, որպեսզի փորձենք լուծել այս խնդիրները, որոնք ունենք, հատկապես՝ ՀԱՊԿ անդամ երկրների սահմաններին։ Դուք լավ գիտեք և՛ Կովկասը, և՛ Կենտրոնական Ասիան։ Այնտեղ խնդիրներ կան, եկեք փորձենք դրանք լուծել և հնարավորինս համախմբել Հավաքական անվտանգության պայմանագրի կազմակերպությանն այս դժվարին ժամանակներում: Դուք տեսնում եք, թե ինչ է կատարվում շուրջբոլորը»,-ասել է նա: