Ձեր վստահելի աղբյուրը

«Պարոն Սարգսյան, հիշում եք՝ անցած գործակարգավարական խորհրդակցության ժամանակ որ հանձնարարեցի՝ կանգառասրահների նստարանները ներկո՞ւմ են»,- խորհրդակցության ժամանակ քաղաքապետարանի Տրանսպորտի վարչության պետի պաշտոնակատար Հայկ Սարգսյանին դիմեց քաղաքապետ Հրաչյա Սարգսյանը

Հայկ Սարգսյանն ասաց, որ աշխատանքները տարվում են:

«Չէ, ներկե՞լ են կանգառասրահների նստարանները, որ ժանգոտված էին, հարցս հենց ընենց չեմ տալիս»,-կրկնեց քաղաքապետը:

Վարչության պետի պաշտոնակատարը հաստատեց, որ ներկել են:

«Սխալ են արել էլի, տեխնիկական բնութագրով գրաված է, որ պետք է փոշեներկված լինի, ինչը նշանակում է, որ նստարանը վառարանի մեջ պետք է անցնի, այդպես չի կարելի ներկել: Իսկ իրենք այնտեղ սահմանափակում են դրել, լենտերն էլ այդպես օդում թռնում էին, ես եմ կտրել»,-հայտարարեց Հրաչյա Սարգսյանը

Նա ենթադրեց, որ մրցույթը հաղթող այդ կազմակերպությունը բոլոր նստարանները նույն ձևով է արել՝ չի փոշեներկել:

Հայկ Սարգսյանն ասաց, որ կտան փորձաքննության:

«Փորձաքննության պետք չէ տալ, ակնհայտ երևում է, որ փոշենրեկված չէ, պետք է առանձնացնի նստարանը տանի վառարանում փոշեներկի, հետ բերի դնի տեղը: Ու պետք չէ որտեղ ես եմ բնակվում, միայն այդտեղի կանգառներն այդպես անի, Երևանի բոլոր տեղերն էլ ես բնակվում եմ, բոլոր տեղերը կարան փոխեն»,-ասաց Երևանի քաղաքապետը: