Ձեր վստահելի աղբյուրը

ՀԱՊԿ պատասխանատվության գոտում իրավիճակը, ցավոք սրտի,  բնութագրվում է բարդ ու լարված։ Այդ մասին հայտարարել է ՀԱՊԿ կենտրոնակայանի ղեկավար Անատոլի Սիդորովը։

«Ռազմական անվտանգությանը սպառնացող մարտահրավերների և սպառնալիքների հիմնական աղբյուրը արևմտյան որոշ վերնախավերի կործանարար գործունեությունն է՝ խարխլելու իրավիճակը Կազմակերպության շուրջ և դրա անդամ առանձին պետություններում», - ասել է նա:

ՀԱՊԿ պաշտոնյայի խոսքով, կազմակերպության ուշադրության կենտրոնում են նաև
ՆԱՏՕ-ի հարձակողական ենթակառուցվածքի խթանումը Բելառուսի և Ռուսաստանի արևմտյան սահմանների մոտ, ինչպես նաև Ուկրաինայի ռազմական ակտիվության աճը Բալթյան երկրների ագրեսիվ հռետորաբանության և ճգնաժամի ֆոնին։

«Այս ֆոնին առանձին երկրների՝ Կովկասում սեփական դիրքերն ամրապնդելու,  Կասպից ծոցի ռեսուրսներին հասանելի դառնալու ու Կենտրոնական Ասիա ուղիղ մուտք ունենալու փորձերը,
հաշվի առնելով հայ-ադրբեջանական սահմանին հակամարտության բարձր պոտենցիալը, նպաստում են ՀԱՊԿ կովկասյան տարածաշրջանում ճգնաժամի սրմանը։ Այստեղ հակամարտությունների ներուժը շարունակում է աճել՝ առաջին հերթին առանձին պետությունների միջև չլուծված տարածքային խնդիրների պատճառով։ Ռուսաստանը կայունացնող դեր է խաղում տարածաշրջանում»,-ասել է Սիդորովը։

Նրա խոսքով, դրա հետ մեկտեղ Վաշինգտոնն ու Բրյուսելը, չնայած ՀԱՊԿ-ին Հայաստանի անդամակցությանը, ունենալով հետկոնֆլիկտային կարգավորման սեփական տեսլականը, ձգտում են պարտադրել անվտանգության մոդելի իրենց ձևաչափը և չեզոքացնել կազմակերպության ջանքերն այս ուղղությամբ։