Ձեր վստահելի աղբյուրը

ԱՀԿ-ն շարունակում է տվյալներ պահանջել Չինաստանից՝ COVID-19-ի ծագումը պարզելու համար: «ՌԻԱ նովոստի»-ին կազմակերպության խոսնակ Տարիկ Ժազարևիչը ասել է, որ «Պրիրոդա» ամսագրում հրապարակված հոդվածը, որում ասվում է, որ հետազոտությունները դադարեցվել են, սուտ է։

Ավելի վաղ «Պրիրոդա»  միջազգային գիտական ամսագիրը հայտնել էր, որ Առողջապահության համաշխարհային կազմակերպությունը (ԱՀԿ) որոշել է կասեցնել SARS-CoV-2 վիրուսի ծագման հետաքննությունը, որն առաջացրել է կորոնավիրուսային համաճարակ։
««Պրիրոդա»-ի հոդվածը սխալ և ապակողմնորոշիչ է, այդ իսկ պատճառով մենք խնդրել ենք ուղղել կամ պարզաբանել: Մենք միշտ և հետևողականորեն հայտարարել ենք, որ իմացությունը զարգացնելու համար մեզ անհրաժեշտ և դեռ պետք է հետազոտություն, և դրա համար մեզ անհրաժեշտ է հասանելիություն Չինաստանի տվյալներին, և պետք է, որ նրանք թափանցիկ կերպով անցկացնեն այդ ուսումնասիրությունները: Մենք շարունակել ենք և շարունակում ենք այդ մասին խնդրել»,-ասել է Ժազարևիչը։

Նա հավելել է, որ 2021 թվականի սկզբին ԱՀԿ թիմը վերադարձել է Ուհան քաղաքից, կազմակերպությունը բազմիցս և հրապարակայնորեն հայտարարել է, որ ծագումը պետք է ուսումնասիրվի, և Չինաստանը պետք է հասանելիություն և տեղեկատվություն տրամադրի, որպեսզի դա տեղի ունենա:

«Եթե դա տեղի չունենա, ծագումը հասկանալու ջանքերը փակուղի կմնան»,-ասել է խոսնակը։

Ավելի վաղ Lancet Coronavirus հանձնաժողովը երկու տարվա աշխատանքի վրա հիմնված զեկույց էր հրապարակել, որում նշվում էր, որ չի բացառում COVID-19-ի լաբորատոր ծագումը։