Ձեր վստահելի աղբյուրը

«Ադրբեջանը երեկ վերականգնել էր Լեռնային Ղարաբաղ գազամատակարարումը, բայց երկու ժամ անց կրկին արգելափակել էր գազի մատակարարումը»,-կառավարության նիստի մեկնարկին հայտարարությամբ հանդես եկավ Նիկոլ Փաշինյանը:

Նա հիշեցրեց, որ դրանից առաժ Ադրբեջանը ԼՂ-ին մատակարարվող գազի խողովակը փակել էր փետրվարի 7-ին, իսկ դրանից առաջ բացել էր հունվարի 29-ին:

«2023 թվականի հունվարի 9-ից արգելափակված է  Լեռնային Ղարաբաղին  էլեկտրական հոսանքի մատակարարումը: Լաչինի միջանցքի ապօրինի շրջափակման հետևանքով Լեռնային Ղարաբաղում հումանիտար ճգնաժամ է սկսվել: Էներգետիկ բլոկադայի հետևանքով հումանիտար ճգնաժամն ավելի է սրվել և զուգահեռ ծավալվում է  բնապահպանական ճգնաժամ, քնաի որ Լեռնային Ղարաբաղի ժողովուրդը բանակարանները տաքացնելու և այլ կենցաղային կարիքների համար ստիպված է փայտ օգտագործել, ինչի համար անտառներ են հատվում: Սա անվիճարկելի ապացույցն է այն բանի, որ Լաչինի միջանցքի փակման բնապահպանական մոտիվները մտացածին են և Ադրբեջանի գործողություններն ունեն մի նպատակ՝ ավարտին հասցնել Լեռնային Ղարաբաղի հայությանը էթնիկ զտման ենթարկելու քաղաքականությունը»,-ասաց Փաշինյանը:

Նրա խոսքով՝ եթե մինչև հիմա միջազգային հանրությունը թերահավատորեն էր վերաբերվում այդ պնդմանը, ապա հիմ ժամանակի հետ այն ավելի ու ավելի ակնհայտ է դառնում:

«Պատահական չէ, որ Ցեղասպանության կանխարգելման Լեմկինի միջազգային ինստիտուտը Լաչինի միջանցքի ապօրինի շրջափակման և Ադրբեջանի ղեկավարության հռետորաբանության վերաբերյալ վերջին երեք ամսում երք անգամ հայտարարությամբ է հանդես եկել:
2023 թվականի հունվարի 18-ին հրապարակված հայտարարության մեջ Լեմկինի ինստիտուտը համաշխարհային առաջնորդներին խնդրում է լրջորեն վերաբերվել Լեռնային Ղարաբաղում հայերի ցեղասպանության սպառնալիքին: Այս ահազանգը պետք է ամբողջ աշխարհում ամեն օրվա հետ ավելի ու ավելի ահագնանա և այս ուղղությամբ ջանքերի գործադրումը պետք է լինի շարունակական»,-հայտարարեց ՀՀ գործադիր մարմնի ղեկավարը:

Տեղեկացնելով, որ Հայաստանի Հանրապետությունը երեկ ավարտել է  Ադրբեջանի հետ խաղաղության և հարաբերությունների հաստատման պայմանագրի նախագծի հերթական փուլի աշխատանքները՝ Նիկոլ փաշինյանը տեղեկացրեց, որ դրանք փոխանցված են ադրբեջանական կողմին և պարզաբանեց, որ այն ամբողջական փաստաթուղթն է՝ ՀՀ-ի առաջարկներով:

«Մենք նախագծի վրա աշխատում ենք հետևյալ տրամաբանությամբ՝  ստանալ մի փաստաթուղթ, որը ցանկացած պահի պատրաստ ենք ստորագրել»,-ասաց նա:

Հայտնելով, որ այն պետք է ընդունելի լինի նաև Ադրբեջանի համար՝  Փաշինյանը հավելեց.  «Հույս ունեք, որ արդեն երեք փուլ բանակցությունների արդյունքում նկատված որոշակի առաջընթացը հնարավոր կլինի զարգացնել: Մեր տեսլականն հետևյալն է՝ փաստաթուղթը պետք է պարունակի պայմանավորվածությունների այնպիսի տրամաբանություն, հակակշիռների  և զսպումների այնպիսի գործուն համակարգ, որը կբացառի կայունության և տևական խաղաղության խաթարման որևէ սցենար: Սրա իմաստն այն է, որ պայմանագրի ստորագրումը ոչ թե պետք է  վերակերպվի պատերազմի՝ արդեն խաղաղության պայմանագրի հիման վրա, սա աբսուրդ է հնչում, բայց կարող է լինել նաև այսպիսի սցենար,  այլ ընդհակառակը՝ իսկապես նշանակի տևական խաղաղություն»:

Փաշինյանը հատնեց, որ պատրաստ է նման փաստաթուղթն օր առաջ ստորագրել:

«Ես պատրաստ եմ վերեցնել և կրել այդպիսի պատասխանատվություն»,-ասաց նա: