Ձեր վստահելի աղբյուրը

ԱՄՆ Լոս Անջելես քաղաքում կարճատև հիվանդությունից հետո 82 տարեկան հասկանում մահացել է հայտնի դերասանուհի Ռաքել Ուելչը։ Մահազդը հրապարակել է CNN-ը։

Նա հանրությանն առավել հայտնի է «Միլիոն տարի՝ մեր թվարկությունից առաջ» ֆիմից, որտեղ խաղացել է Լոանայի դերը։ Լոանան քարանձավում ապրող կին էր, հետևաբար դերասանուհին հանդես էր գալիս կիսամերկ։ Դրանից հետո նա երկար ժամանակ համարվում էր համաշխարհային սեքս խորհրդանիշ։

«Սեքս խորհրդանիշ լինելը մասմաբ օգնում է, օրինակ բիզնեսում հաջողության հասնելու գործում։ Բայց դա նաև  մթագնում է մարդկանց երևակայությունը, նրանք չեն կարողանում տեսնել, որ դու որևէ այլ բանի ընդունակ ես», -2001-ին ասել է Ուելչը Cinema.com-ին տված հարցազրույցում։

Ռաքել Ուելչի հիանալի արտաքինի և այն ժամանակների փառքի շնորհիվ, 1970-ական թվականներին նա հայտնվեց Փլեյբոյ ամսագրի շապիկին։ Ամսագիրը նրան անվանել էր «1970-ականների ամենացանկալի կին»։ Դրան զուգահեռ, նա բազմիցս հայտնվել է հեռուստաէկրաններին, որոշ ժամանակ վարելով սեփական հեռուստաշոուն, ինչպես նաև մասնակցելով երաժշտական շոուների Լաս Վեգասում։

Ռաքել Ուելչը նկարահանվել է նաև «Ամենամեծ խաղագումարը» (1968 թ.), «Բանդոլերո» (1968 թ.), «Չորս հրացանակիրները. Միլեդիի վրեժը» (1974 թ.), «Հրեշը» (1977 թ.), «Արքայազնը և աղքատը» (1977 թ.) և այլ կինոնկարներում։ Դերասանուհուն մեծ ճանաչում է բերել նաև  «Ֆանտաստիկ ճանապարհորդություն» ֆիլմը։



_{Հայտնի նկարիչ Սալվադոր Դալին իր աբստրակտ նկարի դիմաց համբուրում է Ռաքել Ուելչի ձեռքը։ Լուսանկարն արվել է 1965 թվականին։}

^{«Միլիոն տարի՝ մեր թվարկությունից առաջ» ֆիմից։}