Ձեր վստահելի աղբյուրը

Փետրվարի 15-ին ՄԱԿ-ի փախստականների հարցերով գերագույն հանձնակատարը (UNHCR) հաղորդել է, որ անցյալ տարվա փետրվարից ի վեր Ուկրաինայից Եվրոպա է ժամանել 8 մլն 71 հազար 673 մարդ, գրում է «Իզվեստիա»-ն։

ՄԱԿ ՓԳՀ-ի տվյալների համաձայն՝ վերջին երկու շաբաթվա ընթացքում շուրջ 25 113 փախստական է լքել Ուկրաինան։

Ըստ ՄԱԿ-ի՝  ամենից շատ ուկրաինացիներին ընդունել է Ռուսաստանը՝ 2 մլն 852 395։ Ցուցակում երկրորդը Լեհաստանն է (1 563 386), որին հաջորդում են Գերմանիան (1 055 323), Չեխիան (489 865), Իտալիան (169 837), Իսպանիան (166 832), Մեծ Բրիտանիան (161 400), Բուլղարիան (152 515), Ֆրանսիան (118 994), Ռումինիան (113 086), Մոլդովան (108 885) և Սլովակիան (107 199): Մնացած երկրներում ժամանողների թիվը չի գերազանցում 100 հազարը։

Նշվում է, որ ժամանակավոր պաշտպանության և աջակցության ազգային ծրագրերում ընդգրկված է 4 848 209 փախստական։

Ընդհանուր առմամբ, 2022 թվականի փետրվարի 24-ից մինչև 2023 թվականի հունվարի 31-ը Ուկրաինայից հեռացել է մոտ 18,4 միլիոն մարդ, ավելի քան 10 միլիոն մարդ վերադարձել է։

Հիշեցնենք, որ փետրվարի 24-ին Վլադիմիր Պուտինը հեռուստաուղերձում հայտարարել էր, որ ի պատասխան Դոնեցկի և Լուգանսկի ժողովրդական հանրապետությունների (ԿԺԴ և ԼԺՀ) առաջնորդների կոչին, որոշել է Դոնբասի պաշտպանության գործողություն իրականացնել։