Ձեր վստահելի աղբյուրը

«Առիթ եղել է քննարկել, թե ինչպես են պատերազմները կայացնում պետությւոնը։ Բայց ես ձեզ հետաքրքիր մի բան ասեմ՝ այս իշխանության հետ չկա պատերազմի գնալու»,-ասաց «Ջենեսիս Արմենիա» ուղեղային կենտրոն-հիմնադրամի ղեկավար Աբրահամ Գասպարյանը։

Նա նշեց, անկախ այն բանից, Հայաստանին կպարտադրվի պատերազմ, թե՞ ոչ, պետք է գտնել լուծումներ, որ այս իշխանության հետ պատերազմի գետը կրկին չմտնենք, քանի որ դրա դառը փորձն ունենք։

«Այս իշխանության ներկայացուցիչների գլխավորությամբ երկորրդ անգամ նույն գետը մտնելը լի է շատ վտանգներով»,-ասաց նա։

Անդրադառնալով պետական գաղափարախոսության մասին՝ բանախոսը հարց հնչեցրեց՝ մենք գիտե՞նք, թե ինչ ենք ուզում։

«Առհասարակ ուզո՞ւմ ենք պետություն ունենալ, թե՞ ոչ:  Շատ տրիվիալ կարող է թվալ այս հարցը, բայց դրա  պատասխանը մենք չունենք։ Մեր բաժին Արցախին կարողանո՞ւմ ենք տիրություն անել, թե՞ ոչ։ Այս հարցի պատասխանն առաջին հերթին պետք է տա էլիտան։  Էլիտաներն իրենք են առաջնորդում, ժողովրդին չի կարելի թողնել ինքնահոսի ու ասել՝ գիտեք, գնացեք, ինքներդ որոշեք: Պետք է ռազմավարական առումով մեզ համար կարողանանք կոնցեպտ մշակել, թե ինչ ենք ուզում, մինչդեռ այստեղ ներանձնային մրցակցության խնդիր կա»,-ասաց նա։