Ձեր վստահելի աղբյուրը

«Շատ դժվար է ասելը, թե այսօր է Արցախն ավելի վատ վիճակում գտնվում, թե 35 տարի առաջ, բայց բոլորս պետք է գլխներումս պահենք՝ սա շարունակական պայքար է՝ հաջողություններով և կորուստներվ, սակայն գործընթաց է, որը պետք է հասցնել ավարտին»,-ճեպազրույցում ասաց քաղաքագետ Հրանտ Մելիք-Շահնազարյանը:

Նա կարծիք հայտնեց, որ չնայած ներսից և դրսից հայ ժողովրդի վրա առակա մեծ ճնշմանը՝ կա պոտենցիա շարունակելու այդ պայքարը և հաղթելու:

Ներկա վիճակը համեմատելով 35 տարի առաջվա իրականության հետ Մելիք-Շահնազարյանը նկատեց, որ այսօր առաջնորդությունն է, որ մեզ չի տանում հաղթանակների:

«Այսինքը՝ շտկելու առանձնապես շատ բան չկա՝ տրամադրվածությունը և առաջնորդությունը, դրանից հետո, վստահ եմ, հնարավոր կլինի վերականգնել և կորցրածը և  սխալների վրա հենվելով պայքարը կառուցել ճիշտ, հասնել վերջնական նպատակին»,-հայտարարեց քաղաքագետը:

Անդրադառնալով մյունխենյան պանելային քննարկմանը՝ Մելիք -Շահնազարյանը հայտնեց, որ այնտեղ  խայտառակություն կատարվեց:

Նշելով, որ զարմացած չէ Նիկոլ Փաշինյանի այդ պահվածքից՝ քաղաքագետը հիմնավորեց. «Մեծ հաշվով Փաշինյանը վաղուց սպասարկում է Ադրբեջանի շահը և այն անում է շատ բացահայտ կերպով՝ ամբողջ աշխարհի և ժողովրդի աչքի առջև: Ինքը չհերքեց, որ կապիտուլյացիոն պայմանագիր է ստորագրել, չպահանջեց Արցախի որևէ իրավունք, էլ չեմ խոսում, որ Ալիևը բացահայտ կերպով ստում է, ասելով, որ բլոկադա չկա, ճանապարհը բաց է և այն հալած յուղի պես ընդունվում, անցնում է բոլորի կողմից և ինքն էլ այնտեղ, կողքը նստած, մեխի գլխի պես որևէ արձագանք, այդ լկտի սուտը բացահայտելուն ուղղված որևէ բան չի անում: Փոխարենն իր հիմար տրամաբանության մեջ ինչ-որ շեշտադրումենր է անում, որոնք որևէ կապ չունեն իրականության  հետ: Այդ իրողությունները կան միայն իր և իր նման դավաճանների գլխում: Իր խելքով Եվորպային ինչ-որ բաներում է համոզում:  Փաշինյանը չի պաշտպանում հայության, Արցախի, Հայաստանի շահերը, նա այնտեղ ուներ միայն մեկ խնդիր՝ պոպուլիզմի միջոցով պահպանել իր իշխանությունը, ունենալ ընկալելիություն Արևմուտքի կողմից: Կարծում եմ, որ նա այնտեղից շատ գոհ է հետ գալու, քանի որ, օրինակ, Մակրոնն իրեն «ընկեր» է կոչում»: