Ձեր վստահելի աղբյուրը

Անցած գիշերվանից սոցցանցում քննարկման թոփ թեման Գրիգորի Խաչատուրովի ձերբակալություն է։ Նրա կալանքի հարցը կքննվի Հակակոռուպցիոն դատարանում (hասցե՝ ք.Երևան, Թբիլիսյան խճուղի 3/9) այսօր ժամը 12։00-ին։

Քաղաքագետ, «Ոսկանապատ» վերլուծական կենտրոնի ղեկավար Հրանտ Մելիք-Շահնազարյանը գրում է.

«Էն որ Գրիգորի Խաչատուրովի ետևից դավաճանների այս իշխանությունը գալու էր, կարծում եմ, ոչ ոք չէր կասկածում։ Ախր ո՞նց կարող էր Նիկոլը ներեր Խաչատուրովին, օրինակ, 2020թ. հուլիսյան մարտերի հաղթական ավարտը։ Կամ այն փաստը, որ Խաչատուրովն, ի տարբերություն շալվար հագնող բազմաթիվ այլ «գեներալների», Նիկոլի հրաժարականը պահանջելուց հետո չեկավ կանգնեց շտաբում ու պատվի չառավ դավաճանին։ Չէր կարող։ Ու հիմա վաղեմության ժամկետն անցած գործով, սուտ մեղադրանքներ հորինելով, գալիս ու ձերբակալում են Խաչատուրովին։
Իսկ ամենաշատը գիտե՞ք ինչն է վրդովեցնում։ Այն, որ կարողանում են դա անել։ Այն, որ կարծում են, թե ժողովուրդը չի կանգնի իր հերոսի թիկունքին։ Որովհետև իրենց արդեն շատ բան է թույլ տրվել։ Շատ բան են մարսել։ Մտածում են՝ Խաչատուրովին էլ կարող են մարսել»։

Ադրբեջանի հարցերով փորձագետ Անժելա Էլիբեգովան գրում է.

«Ձերբակալել են Գրիգորի Խաչատուրովին։ Տավուշի գյուղերը հանձնելուն խանգարելու էր, չէ՞»։

Քաղաքագետ Ալեն Ղևոնդյանը գրում է.

«Երբ դու խնդիրը չես լուծում, խնդիրն է քեզ փորձում լուծել. ձերբակալել են Խաչատուրով Գրիշին.։

ԱԺ «Հայաստան» խմբակցության պատգամավոր Քրիստինե Վարդանյանը գրում է.

«Ձերբակալել են Գրիգորի Խաչատուրովին:

Մյունխենից հետո, Արցախում նոր, ճակատագրական զարգացումների փուլում, Հայաստան-Թուրքիա բախտորոշ խոսակցությունների կիզակետում ի՞նչ է մեզ պետք` իհարկե նոր շոուներ»։

Ռազմավարական հետազոտությունների հիմնադրամի ղեկավար Ալվինա Աղաբաբյանը գրում է.

«Թշնամու ու թշնամուն ծախվածների վախերը կոնկրետ մարմնավորումներ ունեն, ու նրանցից մեկն էլ Գրիգորի Խաչատուրովն է։ 

Ո՞նց կարող էին Արցախյան շարժման 35-ամյակի օրով թուրքին նվեր չմատուցեին․․․»։

ԱԺ պատգամավոր, դաշնակցական գործիչ Գեղամ Մանուկյանը գրում է.

«Նիկոլն ու նրա տարբեր մակարդակների թուլեքը մի օր վերապրելու են այս ամենը: Գրիգորի Խաչատուրովի կալանքի հարցը կքննվի Հակակոռուպցիոն դատարանում միայն այսօր ժամը 12։00-ին։ Բայց նրան արդեն վաղուց տեղափոխել էին դատարան: Կարգադրիչները հրաժարվում էին փաստաբանից ընդունել նրան շտապ անհրաժեշտ դեղերը:  Իսկ այդ չգործող ՄԻՊ գրասենյակի թեժ գծին Խաչատուրովի փաստաբանի ու իմ զանգերին ի պատասխան հնչում էր «վերադասին զեկուցել ենք» արտահայտությունը: Այդպես շարունակ մինչեւ 02:47... Դատաստանի օրը գալու է, թուրքն էլ չի հաղթի...»։

Իրավաբան Ռոբերտ Հայրապետյանը գրում է.

«Ձերբակալել են Գրիգորի Խաչատուրովին. Փաշինյանն իրագործում է Ալիևի երազանքը»։