Ձեր վստահելի աղբյուրը

Բժիշկ, հրապարակախոս Խաժակ Այնթապյանը գրում է․

«Այս տունը, որը պապենական մեր տունն է Մուսալեռան Վագըֆ գյուղում, հուշարձանն է բոլոր խլված և մոխրացած մեր տների...

Տուն,որը դիմացել էր թշնամու ու ժամանակի արհավիրքներին։ Տուն, որի մեջ երբեք թուրք չի բնակվել։ Վերանորոգվել ու վերածվել էր հյուրանոցի...

Այս տունը երեկվա երկրաշաժից մեծ վնասներ է կրել․․․

Բայց, քանի որ պայքարող տուն է , դարձյալ ոտքի պիտի կանգնի և հսկի մեր երթը , մինչև մենք`  բոլոր այդ տան ժառանգները, ունենանք մեր տունը հայրենի հողի վրա»։

Բժիշկը նաև հայտնել է, որ գյուղի գրեթե բոլոր տները վնասվել են աղետից։

«Բարեբախտաբար մարդկային նվաս չկա»,- մեկնաբանությունում պատասխանել է Խաժակ Այնթաբյանը՝ տեղեկացնելով, որ Վագըֆը միակ հայաբնակ գյուղն է պատամական Կիլիկիայում։

Պոլսի  «ԱԳՈՍ» խմբագրականը նույնպես լուսանկարներ է հրապարակել նշված տնից՝ կից գրելով․

«Նոր լուսանկարներ՝ Վագըֆ գյուղում տեղի ունեցած երկրաշարժի վնասից...»

Հիշեցնենք, որ Թուրքիայի հարավարևելյան Հաթայ նահանգում փետրվարի 20-ին տեղի ունեցավ երկրաշարժ, որի հետևանքով զոհվել է առնվազն 4 մարդ։ Աղետների հետևանքների վերացման վարչությունը (AFAD) հայտնել է Հաթայ նահանգում երկու երկրաշարժի մասին՝ երեք րոպե տարբերությամբ (6,4 և 5,8 մագնիտուդով): Ավելի վաղ Թուրքիայի առողջապահության նախարարությունը հայտնել էր երկրաշարժերից հետո մոտ 300 տուժածի մասին։