Ձեր վստահելի աղբյուրը

Օհայոյում «I. Schumann & Co» երկաթի գործարանի շենքում պայթյունի և դրան հաջորդած հրդեհի հետևանքով մեկ մարդ մահացել է, 13-ը՝ վիրավորվել, գրում է «Իզվեստիա»-ն։

Ականատեսները հայտնել են՝ այնպիսի ուժգին պայթյուն է որոտացել, որ բեկորները թափվել են հարևան շենքերի վրա։ Տուժածների մեծ մասը այրվածքներ է ստացել։ Պայթյունի պատճառը դեռ հայտնի չէ։ Ներկայումս հրդեհը վերահսկողության տակ են վերցրել, սակայն տեղի բնակիչները բողոքում են ծխից և այրվող նավթի հոտից:

Ավելի վաղ Reuters-ը հայտնել էր, որ առնվազն 14 մարդ տուժել է՝ բեկորներից և  հալած մետաղից ստանալով  այրվածքներ և այլ վնասվածքներ։

Սա Օհայոյում հերթական խոշոր միջադեպն է։ Երկաթուղային խոշոր վթարի մասին, որի հետևանքով գնացքը դուրս է եկել ռելսերից և մխրճվել շենքի մեջ, հայտնի է դարձել փետրվարի 4-ին: Քիմիական նյութերով ցիստեռնները շրջվել են ու պայթել։