Ձեր վստահելի աղբյուրը

Սեյսմոլոգ, երկրաբանական գիտությունների թեկնածու Աշխեն Թովմասյանը գրում է․

«Հերթական ուժեղ, ավերումի մեծ պոտենցիալ ունեցող  երկրաշարժ, այս անգամ Տաջիկստանում։
Երկրաշարժի էպիկենտրոնը, ըստ ԱՄՆ երկրաբանական ծառայության հաղորդագրության, գտնվել է Տաջիկստանի լեռնային Բադաշխան արևելյան շրջանում, որը սահմանակից է Աֆղանստանին և Չինաստանին, շրջապատված է Պամիրի բարձրադիր լեռներով և քիչ բնակեցված է։

Ըստ եվրո-միջերկրածովյան սեյսմոլոգիական կենտրոնի հաղորդագրության այս իրադարձության
Mw 6.8

Տարածաշրջան՝ ՏԱՋԻԿԻՍՏԱՆ
Ամսաթիվ, ժամը՝ 2023-02-23, 00:37:41.0 UTC
Վայր 38.10 N; 73,22 E
Խորությունը` 20 կմ
Հեռավորությունը՝ 272 կմ հարավ- հարավ արևելք  Ղրղզստանի  200,000 բնակչություն  ունեցող Օշ բնակավայրից,   տեղի է ունեցել  տեղական՝ Ղրղզստանի ժամանակով՝ 06:37:41.0

66 կմ արևմուտք, հարավ արևմուտք Տաջիկստանի Մուրղոբ  բնակավայրից, բնակչությունը՝ 10,800, տեղական՝ Տաջիկստանի ժամանակով՝ 05:37:41.0 ։

Նույն իրադարձության մասին հաղորդել  է նաև Չինաստանի պետական հեռուստատեսային CCTV-ն։

Հինգշաբթի, Փետրվարի 23ին, Տաջիկստանում,  առավոտյան  ժամը  08:37:41.0  (00։37 UTC)  7․2 մագնիտուդով և օջախի   10 կմ խորությամբ երկրաշարժ է տեղի ունեցել։  Այն զգացվել է Չինաստանի արևմտյան Սինցզյան շրջանի որոշ շրջաններում, այդ թվում՝ Քաշգարում և Արտուքսում։

Զոհերի մասին տեղեկություններ չկան։ Քաշգարում էլեկտրամատակարարումն ու կապը նորմալ են մնացել, հաղորդում է «Սինհուա» պետական լրատվամիջոցը»: