Ձեր վստահելի աղբյուրը

«Ըստ մեզ հասնող նորությունների, տեղեկությունների, Ռուբեն Վարդանյանը  որոշել էր պայքարել մինչև վերջ, մինչև Արցախի անկախություն, և նրան Ադրբեջանի պահանջով հեռացրեցին։ Այսպես է ստացվում»,- «Արցախի Հանրապետության միջազգային ճանաչման հրամայականը» գիտագործնական համաժողովին լրագրողների հետ զրույցում ասաց քաղաքագիտության դոկտոր Արթուր Խաչիկյանը։

Ըստ նրա, փաստորեն, դա կարող է նշանակել, որ այն մարդիկ, ովքեր դա արեցին, ուզում են գնալ զիջումների, իսկ թե ինչ են զիջելու՝ չգիտի։

«Բռնապետը, ով ատում է հայերին, հնարավորությունը բաց չի թողնի հարցը լուծել այնպես, ինչպես լուծվեց արևմտահայության հարցը Թուրքիայում։ Նույն ձևով։ Եթե նա կարողանա վերահաստատի Ադրբեջանի վերահսկողությունը Արցախում, միանգամից  կփոխի դեմոգրաֆիկ բալանսը, այնտեղ կգան ադրբեջանցիները, կվերաբնակեցվեն, հայերի մի մասը կտեղահանվի, մի մասը,  հնարավոր է, ցեղասպանվի, մի մասը հնարավոր է մնա, բայց դա լինելու է փոքրամասնություն, որոնց լավագույն դեպքում հնարավորություն կտան խոսել հայերեն, կամ որոշ եկեղեցիներ կմնան հայկական։ Լինելու է  Արևմյան Հայաստանի պատմությունը»,- ասաց Խաչիկյանը։

Մանրամասն՝ տեսանյութում։