Ձեր վստահելի աղբյուրը

«Նախագծով կառավարությանը և Քաղաքաշինության կոմիտեին վերապահվող իրավասությունները  վերաբերելու են քաղաքաշինության բնագավառի բոլոր ուղղություններին և հնարավորություն կատն ոչ միայն վերանայել գործող իրավական ակտերն և համապատասխանեցնել կառավարության քաղաքականությանը, այլև  նոր իրավական ակտերի ընդունմամբ կարգավորել առաջադրված նոր հարաբերությունները»,-խորհրդարնում ասաց Քաղաքաշինության կոմիտեի նախագահ Արմեն Ղուլարյանը՝ ներկայացնելով «Քաղաքաշինության մասին» օրենքում փոփոխություն և լրացումներ կատարելու մասին օրնեքի նախագիծը:

Նա տեղեկացրեց, որ նախագծով հստակեցվում են քաղաքաշինական գործունեության հատուկ կարգավորման առանձնահատկությունները:

«Համաձայն առաջարկվող դրույթների՝ որպես հատուկ կարգավորման օբյեկտներ առանձանցվե են միջպետական և հանապետական ավտոմոբիլային ճանապարհները և հարակից տնտեսական գոտիների տարածքները»,-հայտնեց Ղուլարյանը և նշեց, որ այդ հատվածներում տնտեսական գործունեություն թուլատրելու իրավասությունը կվերապահվի կառավարությանը:

Նրա խոսքով՝ նախագիծն ընդունելուց հետո մինչև 2024 թվականի տարեվերջը, մի քանի տասնյակ ենթաօրենսդրական ակտեր կընդունվեն:

«Հայաստան» խմբակցության պատգամավոր Թադևոս Ավետիսյանը նկատեց, որ մշտական հանձնաժողովում քննարկման ժամանակ արձանագրվել է, որ օրինագծում Սահմանադրությամբ պահանջվող իրավական որոշակիության սկզբունքը խախտված է:

«Ո՞րն է պատճառը, որ Սահմանադրության և «Նորմատիվ իրավական ակտերի մասին օրենքի» պահանջներին հակասող նախագիծ եք ներկայացնում ԱԺ-ին»,-հարցրեց «Հայաստան» խմբակցության պատգամավորը:

Քաղաքաշինության կոմիտեի նախագահն ընդունեց, որ որոշակիության խնդիրներ կան, որոնք կքննարկվեն առաջինից երկրորդ ընթերցման ժամանակ: