Ձեր վստահելի աղբյուրը

 Գերմանիայի կանցլեր Օլաֆ Շոլցը Փաշինյանի հետ համատեղ ասուլիսին անդրադարռնալով Լաչինի միջանցքի շրջափակման խնդրին և Ադրբեջանի կողմից  միջազգային դատարի որոշման և պարտավորեցումների անտեսմանը վերաբերող հարցին, ասաց․

«Մենք ինքնորոշման իրավունքի և տարածքային ամբողջականության սկզբունքի կողմնակիցն ենք, այդ թվում ՝ տարածաշրջանում անվտանգության ապահովման։ ԵՄ խորհրդի նախագահը  մասնակցում և միջնորդում է և մենք նույնպես ջանքեր ենք ներդնում։ Իսկապես դժվար է»։

Իր ելույթում Գերմանիայի կանցլերը նշեց, որ  Փաշինյանի հետ քննարկել են  մի շարք հարցեր՝ տնտեսական և քաղաքական բնույթի, այդ թվում Ռուսաստանի և Ուկրաինայի միջև ընթացող պատերազմի մասին և դրա ազդեցությունը՝ Հարավային Կովկասի վրա դրա ազդեցությունը։

«Հատկապես Հայաստանի վրա զգացվում է այդ ազդեցությունը։ Այս  պատճառով կարևոր է, որպեսզի Հայաստանն ու Ադրբեջանը երկարատև լուծման գնան։ Փաշինյանն ինձ ներկայացրել է Լեռնային Ղարաբաղում վերջին զարգացումները։ Մենք մտահոգված ենք Հայաստանի և Ադրբեջանի սահմանի  անկայունությամբ և ԼՂ-ում հումանիտար տեսանկյունից գնալով սրվող իրավիճակով։ Ստատուս քվոն  չի կարող շարունակվել և պետք է երկարաժամկետ լուծման հանգել։ Այս առումով, անհրաժեշտ է հասնել խաղաղ հանգուցալուծման Հայաստանի և Ադրբեջանի տարածքային ամբողջականության, ինչպես նաև Լեռնային Ղարաբաղի քաղաքացիների ինքնորոշման տեսանկյունից։ Այս բոլոր սկզբունքները հավասարազոր են։ Գերմանիան աջակցում է Շառլ Միշելի  միջնորդական ջանքերը»,- ասաց Շոլցը։
 

Մանրամասները՝ տեսանյութում։