Ձեր վստահելի աղբյուրը

«Ադրբեջանական շրջափակման պայմաններում տեղական բանջարեղենն աննախադեպ պահանջարկ ունի,-ասում է Մարտունիում ջերմոցային տնտեսությամբ զբաղվող Արմեն Ադամյանը:
500 քառակուսի մետրանոց ջերմոցից ստացած կանաչին անգամ  Ստեփանակերտ է հասնում:

Բիզնես ծրագիր եմ ներկայացրել, ջերմոցը հիմնել, պետությունն աջակցել է, աջակցությունը՝ տվել: Ձմռանը՝ կանաչեղեն, գարնանը՝ բանջարեղեն: Բաժանումը պայմանավորված է ջեռուցման կենտրոնացված համակարգի բացակայությամբ: Բայց դա չի խանգարում, որ հողագործը լավ արդյունք ստանա ու նաև՝ մինչև 3 աշխատատեղ ապահովի հարևանների համար։

«Գոհ եմ, աշխատանք է, ձմեռվա աշխատանք: Ամեն առումով բավարարում է, կողքից էլ մարդիկ օգտվում են, աշխատում են»,-Արցախի Հանրային հեռուստատեսությանն ասում է մենատնտես Արմեն Ադամյանը։

Ջեռուցվող ջերմոցների թիվը գյուղատնտեսության նախարարությանը չի գոհացնում: Առանց ջեռուցման հնարավոր չէ ձմռանը բանջարեղեն արտադրել:

«Ուսումնասիրություններ ենք անում վեր հանելու խնդիրները՝ ինչքան ջերմոցներ կան, որոնք չեն ջեռուցվում և փորձենք հնարավորինս այդ բոլոր ջերմոցները կամաց-կամաց անցկացնենք ջեռուցման տակ»,-ասում է ԱՀ գյուղատնտեսության նախարար
Հրանտ Սաֆարյան։

Նրա խոսքով՝ ջերմատնային տնտեսությունների ներուժն ամբողջությամբ չի օգտագործվել նաև գազամատակարարման արգելափակման հետևանքով. «Կան ջերմոցներ, որոնք չեն սկսել զուտ այն պատճառով, որ ինչ-որ տեխնիկական սարքավորումներ պիտի բերեին տեղադրեին և չեն հասցրել բլոկադայի պատճառով: Խնդիրն այդքանն է, ոչ թե ասենք՝ջերմոցները չեն օգտագործում»։

Մանրամասները քիչ անց՝ տեսանյութում։