Ձեր վստահելի աղբյուրը

Արևմուտքի կողմից Սիրիայի նկատմամբ կիրառված անարդար տնտեսական պատժամիջոցների վերացման կողմնակիցների թիվը զգալիորեն ավելացավ փետրվարի 6-ի երկրաշարժից հետո, որը հանգեցրեց մարդկային ծանր կորուստների և ավերածությունների։ Այս մասին շաբաթ օրը ՏԱՍՍ-ի թղթակցին հայտնել է «Ընդդեմ Սիրիայի շրջափակման» միջազգային շարժման համակարգող, Արաբական ազգային ֆորումի (ANF) նախագահ Մաան Բաշուրը։

«Արաբական և եվրոպական երկրներում հասարակական խմբերի ակտիվության ֆոնին, որոնք Դամասկոսին արդյունավետ օգնություն ցուցաբերելու կողմնակից են բնական աղետի հետևանքների վերացման հարցում, մենք ծրագրում ենք սիրիացի ժողովրդի հետ համերաշխության ակցիա կազմակերպել»,-հայտնել է աղբյուրը։ Առաջիկա օրերին Հունաստանի ափից 30 պետությունների ներկայացուցիչներով նավ կմեկնի, որը կուղևորվի դեպի Լաթաքիա նավահանգիստ։ Բաշուրի խոսքով՝ «այս գործողությունը կխորհրդանշի հակասիրիական շրջափակման ճեղքումը»։

Ինչպես նշել է ANF-ի ղեկավարը, նման նախաձեռնության իրեն դրդել է բրիտանացի քաղաքական գործիչ, նախկին պատգամավոր Ջորջ Գելոուեյը, ով 20 տարի առաջ ակտիվորեն պայքարել է Իրաք ԱՄՆ-ի ներխուժման դեմ։

«Պատժամիջոցները չեղարկելու անհրաժեշտության վրա ուշադրություն հրավիրելու համար մեր մյուս նավը Պարսից ծոցից կուղևորվի դեպի Սիրիայի ափեր»,- ասել է նա և հավելել. «Բացի այդ, մենք Ալժիրից ավտոերթ ենք նախապատրաստում Թունիսի Լիբիայի, Եգիպտոսի և Հորդանանի տարածքով, որը կանցկացվի Դամասկոսի անդամակցությունը Արաբական պետությունների տարբեր լիգաներում վերականգնելու պահանջի կարգախոսով: