Ձեր վստահելի աղբյուրը

«Երեք ամիս Լաչինի միջանցքի՝ Ադրբեջանի կողմից փակ լինելու պայմաններում մենք իրադրության նոր սրում ունենք Լեռնային Ղարաբաղում»,-կառավարության այսօրվա նիստում հայտնեց Նիկոլ Փաշինյանը:

Նա հիշեցրեց, որ նախորդ կիրակի ադրբեջանական զինված ուժերի ստորաբաժանումը դարանակալել և հարձակվել է ԼՂ մայրաքաղաք Ստեփանակերտից ՈւԱԶ մակնիշի մարդատար ավտոմեքենայով ծառայողական նպատակներով Հին Շեն և Մեծ Շեն գյուղեր մեկնող ոստիկանների վրա:

Ցավակցություն հայտնելով զոհվածխների հարազատներն՝ Փաշինյանը նշեց. «Ուզում եմ ընդգծել, որ երեք զոհվածներն էլ ծնվել են Լեռնային Ղարաբաղում: Այդ հանգամանքը կարևորություն է ստանում 2023 թվականի փետրվարի 18-ին Մյունխենի անվտանգության համաժողովում ադրբեջանի արած մի հայտարարության ֆոնին, իսկ Ադրբեջանի նախագահը Մյունխենում ընդունել էր, որ գոյություն ունի միջազգային պայմանավորվածություն՝ համաձայն որի, իրենք պետք է Լեռնային Ղարաբաղի հայության ներկայացուցիչների հետ քննարկեն վերջիններիս իրավունքների և անվտանգության հարցը: Ադրբեջանի նախագահ սակայն ընդգծել էր, թե այդ քննարկումներն իրենք պատրաստվում են ունենալ ԼՂ-ում ծնված և ապրած մարդկանց հետ»:

Նա նաև հիշեցրեց, որ մարտի 1-ին ՌԴ խաղաղապահ զորակազմի կենտրոնակայանում տեղի էր ուենցել ԼՂ-ի և Ադրբեջանի ներկայացուցիչների առաջին հանդիպումը, որից 4 օր անց Արդբեջանը ձեռնարկել է սադրանքը, որը Փաշինյանը ահաբեկչական ակտ որակեց:

ՀՀ գործադիր մարմնի ղեկավարը շեշտեց, որ այդ ահաբեկչական ակտին զոհ գնացին ԼՂ-ում ծնված և մեծացած երեք,  երկու և մեկ երախա ունեցող երեք քաղաքացի: