Ձեր վստահելի աղբյուրը

Եվրամիությունը Ռուսաստանին բացառել է այն երկրների թվից, որոնք հրավիրվել են մասնակցելու Բրյուսելի կողմից մարտի 20-ին կազմակերպված միջազգային դոնորների համաժողովին, որի նպատակն է միջոցներ հավաքել Թուրքիայում և Սիրիայում երկրաշարժերից տուժածների համար: Այդ մասին Եվրահանձնաժողովի տարածած հայտարարությանն անդրադարձել է «ՌԻԱ նովոստի»-ն։

«Դոնորների համաժողովը, որը կազմակերպվել է թուրքական իշխանությունների հետ համատեղ և համանախագահել են Եվրահանձնաժողովի նախագահ Ուրսուլա ֆոն դեր Լեյենը և Շվեդիայի վարչապետ Ուլֆ Քրիստերսոնը՝ որպես ԵՄ Խորհրդում Շվեդիայի նախագահության ներկայացուցիչ, բաց կլինի ԵՄ անդամ երկրների, թեկնածու երկրների համար և պոտենցիալ թեկնածուներ հարևան և գործընկեր երկրների, G20-ի անդամների՝ բացառությամբ Ռուսաստանի, Պարսից ծոցի երկրների համագործակցության խորհրդի անդամ երկրները, ինչպես նաև ՄԱԿ-ը, միջազգային կազմակերպությունները, մարդասիրական կազմակերպությունները և միջազգային և եվրոպական ֆինանսական հաստատությունները»,-ասվում է փաստաթղթում։

Հայտարարության մեջ նշվում է, որ ԵՄ-ն և անդամ երկրները «մտադիր են ստանձնել զգալի պարտավորություններ Թուրքիայի հետագա օգնության, վերականգնման և Սիրիայում հետագա օգնության ու վերականգնման համար»:

ԵՄ-ն նաև կոչ է արել միջազգային գործընկերներին և համաշխարհային դոնորներին «համերաշխություն ցուցաբերել Թուրքիայի և Սիրիայի ժողովրդի հետ այս դժվարին հանգամանքներում՝ մոբիլիզացնելով ներդրումները՝ վնասի մասշտաբին և չափերին համապատասխան»: