Ձեր վստահելի աղբյուրը

Սուոնսիի համալսարանի գիտնականները պարզել են, որ սոցիալական ցանցերի օգտագործումը կրճատելը կարող է զգալիորեն բարելավել ընդհանուր առողջությունն ու իմունիտետը, ինչպես նաև նվազեցնել միայնության և դեպրեսիայի մակարդակը: «Գազետա ռու»-ն գրում է, որ այդ մասին անցկացված հետազոտության արդյունքները հրապարակված են Journal of Technology in Behavior Science ամսագրում:

Փորձին մասնակցել է 20-ից 25 տարեկան 50 մարդ (33 կին և 17 տղամարդ): Նրանք պատասխանել են իրենց առողջության և հոգեկան վիճակի վերաբերյալ ամենամսյա հարցերին և շաբաթական հաշվետվություններ են տրամադրել սոցիալական ցանցերի օգտագործման վերաբերյալ:

Արդյունքները ցույց են տվել, որ երեք ամիս անց այն խումբը, որին խնդրել են կրճատել սոցիալական ցանցերի օգտագործումը, ունեցել են իմունային ֆունկցիայի միջինը 15%-ով բարելավում: նրանք ունեցել են ավելի քիչ մրսածություն, գրիպ, ավելի քիչ գորտնուկներ և 50%-ով ավելի լավ քուն և 30% դեպրեսիայի ախտանիշների թվի նվազում.

Գիտնականները նշել են, որ դեռ պետք է պարզվի, թե արդյոք ուղիղ կապ կա սոցիալական ցանցերի օգտագործման և իմունիտետի բարձրացման միջև։ Այն կարող է պայմանավորված լինել այլ գործոններով, ինչպիսիք են դեպրեսիայի մեղմացումը կամ ֆիզիկական ակտիվության ավելացումը: