«Հրապարակ». Փաշինյանը չի կարողանում ներել Արսեն Թորոսյանին, ով ՔՊ-ին խայտառակեց
«Հրապարակ» թերթը գրում է.
«Երևանի փոխքաղաքապետ, առողջապահության նախկին փոխնախարար Գևորգ Սիմոնյանի ձերբակալության պահից սկսած՝ ներիշխանական «բազառներ» են սկսվել։ Մեզ հասած լուրերի համաձայն՝ փոխքաղաքապետ Տիգրան Ավինյանն ամեն ինչ արել է, որ իր թիմակիցը համարվող Գևորգ Սիմոնյանին չկալանավորեն և հարուցված քրեական վարույթը սառեցնեն՝ գոնե մինչև իր քաղաքապետ ընտրվելը։
Խնդիրն այն է, որ քովիդի շրջանին վերաբերող սկանդալային չարաշահումների գործը նաև քաղաքական բաղադրիչ ունի, ոմանք կարծում են, որ Փաշինյանը չի կարողանում ներել Արսեն Թորոսյանին, ով ՔՊ-ին խայտառակեց՝ բացահայտելով վերջին համագումարում վարչության ընտրությունների ժամանակ տեղ գտած կեղծիքները:
Ըստ այս վարկածի՝ առաջիկայում ձերբակալվելու է նաև Արսեն Թորոսյանը, ով քովիդի ժամանակ ղեկավարում էր առողջապահության նախարարությունը, իսկ ոմանք էլ վստահ են, որ Փաշինյանի գլխավոր նպատակն Ավինյանին՝ որպես քաղաքապետի թեկնածուի, չեզոքացնելն է, որին իր պաշտոնի հավակնորդ է համարում։ Այսինքն, այս գործով միանգամից երկու նապաստակ է ուզում խփել. փոխել ՔՊ քաղաքապետի թեկնածուին՝ առաջ քաշելով Սուրեն Պապիկյանի թեկնածությունը, և ասպարեզից վերացնել իր աթոռի պոտենցիալ հավակնորդին։
Հիշեցնենք, որ կորոնավիրուսի համավարակի ժամանակ արտակարգ դրության իրավական ռեժիմն ապահովող ուժերի և միջոցների միասնական ղեկավարումն իրականացնելու նպատակով ստեղծվել էր պարետատուն, իսկ պարետ էր նշանակվել Ավինյանը։
Որոշ աղբյուրներ հաղորդում են, որ դեռևս շաբաթներ առաջ են տեղեկություններ տարածվել, որ Փաշինյանը մտահոգ է Ավինյանի չաճող վարկանիշից և նրան ուզում է քաղաքապետի այլ թեկնածուով փոխարինել։ Այս պարագայում ՔՊ էլեկտորատը կարող է էքստազի մեջ ընկնել, որ իրենց Նիկոլը պայքարում է ոչ միայն նախկինների, այլև իր թիմի «կոռումպացված», «թալանչի» ներկայացուցիչների դեմ, և այս մի մանյովրն էլ ՔՊ-ի օգտին կաշխատի»։
Մանրամասները թերթի այսօրվա համարում
Լրահոս
Տեսանյութեր
Թալանում ու թալանում են , խաբելով, ստով ո՞ւմ փորն է կշտանում. Քաղաքացիները՝ թանկացումների մասին
