Ձեր վստահելի աղբյուրը

«Ես Երրորդ հանրապետության պատմության մեջ ամենաշատ հրաժարական ներկայացրած ղեկավարն եմ և այդ Ձեր ասածն արդեն իսկ տեղի է ունեցել մի քանի անգամ»,-հայտարարեց Նիկոլ Փաշինյանը՝ պատասխանելով հարցին, թե խաղաղության անընդունելի փաստաթուղթ չսրտորագրելու համար արդյոք պատրաստ է հրաժարական տալ:

Նա հայտարարեց, որ եղել է և հրաժարական տալը, և փաստաթուղթ ստորագրելը և չստորագրելը:

«Օրինակ՝ 2020 թվականի նոյեմբերի 20-ի եռակողմ հայտարարությունը: Հիշո՞ւմ եք, որ այն ստորագրել էի՝ ես էլ երջանիկ չէի, չէ՞»,-հայտնեց Փաշինյանը և տեղեկացնելով, որ այն ստորագրելու պահին իր կողքին գտնվող քաղաքական թիմի անդամները գիտեն, թե ինչ վիճակում է այն ստորագրել, հավելեց. «Ամենակարևորը՝ վիճակը սթափ է եղել, գիտակցելով, շատ ծանր, դառը, բայց ես տեսել եմ, որ այդ թղթի մեջ  և դրա իրագործմամբ Հայաստանի Հանրապետությունը և Լեռնային Ղարաբաղը կարողանում են իրենց շահերը հետապնդել»:

Հիշեցնելով, որ այն ժամանակին կապիտուլյացիա անվանվեց՝ ՀՀ գործադիրի ղեկավարը հայտարարեց, որ այսօր Հայաստանում թե՛ իշխանության, թե՛ ընդդիմության ներկայացուցիչները, թե՛ իրավապաշտպանները  օր ու մեջ հղում են անում նոյեմբերի 9-ի եռակողմ հայտարարությանը:

«Արդարադատության միջազգային դատարանը Լաչինի միջանցքի հետ կապված որոշումը հիմնակվորել է նոյեմբերի 9-ի հայտարարությամբ: Մեր պրոբլեմն այսօր եռակողմ հայտարարությունը չէ, ընդհակառակը՝ եթե եռակողմ հայտարարության դրույթները լիրաժեք պահպանվեր, մենք այս ամեն ինչը չէինք ունենա: Մեր խնդիրն այդ փաստաթղթի չիրականացումն է, կա՛մ երաշխիքների, կա՛մ երաշխավորի ինստիտուտի բացակայութունը, կա՛մ չգործելը, կա՛մ անգործությունն է դրա պատճառը»:

Փաշինյանը հայտարարեց, որ չի ստորագրի մի բան, որի պատճառով հետագայում չի կարողնալու ժողովրդի աչքերի մեջ նայի:

«Երբ ես որևէ բան ստորագրեմ՝ մի բևեռը  ձեր համար եմ, մյուս բևեռը՝ իմ երեխաների ու ընտանիքի, կստորագրե՞մ մի բան, որ կա՛մ ձեր, կա՛մ նրանց, որևէ քաղաքացու՝ ընդդիմադիր, իշխանամետ, հայհոյող, չհայհոյող, աչքերի մեջ չկարողանամ նայել, ո՛չ»,-հավաստիացրեց Փաշինյանը:

Հայտնելով, որ խնդիրը լուծելու համար այն պետք է ախտորոշել՝ նա հայտարարեց. «Ինձ թվում է, որ ես պրոբլեմը գիտեմ ամբողջ խորությամբ: Ինձ թվում է, որ ես պրոբլեմը գենետիկ մակարդակի վրա գիտեմ: Գիտե՞մ արդյոք լուծումները՝ այո գիտեմ նաև լուծումները, որոնց մասին բարձրաձայնել եմ այն շրջանակում, որում հնարրավոր էր բարձրաձայնել: Կստացվի՞ այդ լուծումը՝ ես այն չգիտեմ մի պարզ պատճառով, որովհետև այսօրվա աշխարհում այս պահին՝ 2023 թվականի մարտի 14-ին աշխարհում չկա մի ղեկավար, որը գիտի, թե մի ամիս հետո ինչ է լինելու: Մենք փլուզվող աշխարհում ենք ապրում հիմա և այն ամենավատ բանն է, որը կարող էր տեղի ունենալ: Ընդ որում 2020 թվականի պատերազմը գենետիկ կապ ունի այսօր տեղի ունեցող ամեն ինչի հետ: Մենք անում ենք այն, ինչը հնարավոր է: Արդյո՞ք այն, ինչն անում ենք՝ անում ենք մաքսիմալ արդյունավետ, վախենամ՝ ո՛չ և դրա համար կան բազմաթիվ պատճառներ՝ սկսած  ինստիտուտների կայացվածության աստիճանից, նրանից, թե ամեն ապրանք ձեռք բերելը ինչ բարդությունների հետ է կապված, սկսած կոռուպցիոն ռիսկերից, շարունակած լոգիստիկ պրոբլեմներով, քաղաքականա աշխարհաքաղաքական գործոններով և այլն»,-հայտարարեց Նիկոլ Փաշինյանը և նշեց, որ կկրկնի նույն բանը, ինչն աել է 2018 թվականից՝ չկա մի բան, որը չի արվում ֆինանսների բացակայության պատճառով: